7.7 C
Pontevedra
Martes, 31 de Xaneiro de 2023
Máis
    HomeVal MiñorNigránO Concello ampliará a ruta do 'Nigránbus'

    O Concello ampliará a ruta do ‘Nigránbus’

    O Concello de Nigrán ampliará desde o 1 de decembro o percorrido da liña municipal ‘Nigránbus’ á Estrada pola Vía (Panxón e Prado) e Priegue para así dar resposta ás demandas recibidas. O cambio non afectará ás paradas e horarios establecidos actualmente porque só supón trocar a cabeceira actual desde o Centro Antena (Otero Pedrayo) ao cruce da rúa Don Marcial con Navás. Así, este punto de Priegue será o principio e fin da liña, que abarcará a Igrexa, Mestra Emérita, Torreiro e Estrada pola Vía ata enlazar co Centro Antena e continuar co percorrido xa implantado (e á inversa na volta).

    “Escoitamos as demandas de veciños destas zonas e consideramos positivo facer este cambio.  O Nigranbus non é inamovible, faremos todos os trocos que sexan precisos segundo  o balance de usuarios e as peticións razoables”, explica o alcalde, Juan González. “A tenor das demandas de veciños da zona de Prado, Navás e A Mámoa consideramos que si era factible e lóxico poder conectar estas zonas peor comunicadas cos núcleos urbanos de Nigrán”, admite o rexedor. Co fin precisamente de realizar este troco, o edil de mobilidade, Diego García Moreira, mantivo onte unha reunión na Dirección Provincial de Mobilidade na que quedou aprobada a cuestión.

    O Nigránbus é unha liña municipal que naceu con obxectivo de acabar coa desconexión histórica do transporte público de Nigrán coas  parroquias do interior. Este minibus as conecta desde novembro, sendo practicamente a única localidade en Galicia en contar con este servizo intramunicipal (descontando as grandes cidades). O vehículo comunica  o interior cos núcleos urbanos de Panxón, A Ramallosa, Nigrán e  Porto do Molle cumprindo unha demanda ancestral da veciñanza do rural, que ata agora dependía do transporte privado para todo. 

    O servizo consta dunha liña que permite ao cidadáns de calquera parroquia do interior achegarse en máximo 45 minutos aos centros de saúde ou conectarse co autobús cara a Vigo-Baiona, con especial atención ao horario de enlace coa liña ao Hospital Álvaro Cunqueiro, Povisa e Universidade.  Está operativo de luns a venres con saídas desde Chandebrito ás 7:45, 14:00, 16:15 e as de Panxón (Centro Antena) ás 10:30, 15:15 e 20:40 (a partir do 1 de decembro será Priegue, manténdose a hora de paso do Centro Antena).  “Deseñouse de xeito que, por exemplo, unha persoa chegue a tempo ao centro de saúde a facer unha analítica ou consulta médica e poida regresar a continuación para casa e tamén para conectar coa liña á Universidade ou Hoispital Álvaro Cunqueiro, tendo en conta ademais que abre á porta ao trasbordo para ir a Vigo ou Baiona”, incide García.

    Este fito histórico é posible tras conseguir o goberno local que a liña fose incluída como ‘Servizo de Interese Municipal’ (SIMU) dentro do Plan de Transporte Metropolitano de Galicia. Isto significa que se fai cargo a actual concesionaria Lugove a cambio de que o Concello achegue un cánon anual de 80.000 € máximo á Xunta. O convenio é flexible, puidendo modificarse, ampliarse e adaptarse ás necesidades concretas que se detecten, como foi neste caso. Esta fórmula permite, a súa vez, que os viaxeiros se beneficien da Tarxeta de Transporte Metropolitano, é dicir, son gratis os transbordos e todo para menores de 21 anos ou hai as mesmas bonificacións a estudantes, xubilados ou desempregados (sen estes descontos sería 1,55 €). Compre subliñar que, a maiores, o Concello de Nigrán destina 50.967 € cada ano para bonificar o transporte metropolitano na área de Vigo aos seus veciños.

    O vehículo provisional é de 22 prazas e a gasolina, pero tal e como solicitou o Concello, o definitivo será unha Mercedes Sprinter carrozada etiqueta ‘Eco’ co fin de aforrar emisións e tamén de 22 prazas máis unha adaptada.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS