8.3 C
Pontevedra
Xoves, 28 de Marzo de 2024
Máis
    HomeVal MiñorNigránO Club Baloncesto Nigrán "encesta" máis de 300 quilos de alimentos e...

    O Club Baloncesto Nigrán “encesta” máis de 300 quilos de alimentos e produtos de hixiene persoal

    O Club Baloncesto Nigrán tivo que modificar o seu tradiconal Torneo Do Nadal “Encesta un alimento” para adaptalo ás novas circunstancias debidas ao gran incremento de casos nos últimos días pola Covid-19 suspendendo as competicioces, pero non a recollida de alimentos, obxectivo principal do mesmo.

    Durante dous dias, en horario de mañá e de tarde, recolleron no pavillón municipal, coa axuda dos seus xogadores, máis de 300 quilos de alimentos non peredederos e produtos de hixiene persoal.

    Todas as persoas que acudiron ao pavillón a entregar alimentos foron obsequidas cunha medalla e unha rifa para entrar no sorteo de diferentes premios que se sortearon durante o acto de clausura. Todos os asistentes tiveron, ademais, a oportunidade de conseguir unha rifa extra se encestaban un tiro libre ou dous máis no caso de que fose un triple.

    Entre os aistentes durante a xornada de onte para achegar os seus alimentos estiveron o alcalde do Concello de Nigrán, Juan González, acompañado de diferentes edís.

    Ao acto de clausura asistiron as concelleiras de igualdade e Asuntos Sociais, Patricia Diego e Bibiana Fernández, ás que se lles fixo entrega de todo o recadado para que sexa achegado ás familias de Nigrán con menos recursos.

    Desde o Club queren expresar o seu agradecemento a todas as persoas que asistiron ao pavillón e axudaron nesta iniciativa dando unha vez máis unha marabillosa lección de solidariedade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.