15.8 C
Pontevedra
Sábado, 20 de Abril de 2024
Máis
    HomeVal MiñorNigránO alcalde de Nigrán recibe ao club de BTT 'Bicivoadores Val Miñor'...
    Val MiñorNigrán

    O alcalde de Nigrán recibe ao club de BTT ‘Bicivoadores Val Miñor’ para trasladarlles o apoio do Concello

    Fundado hai preto dunha década como clube, ven de rexistrarse como asociación deportiva no municipio ao ser todos os seus integrantes de Nigrán

    Redacción
    Redacción

    O alcalde de Nigrán, Juan González, recibiu na Casa Consistorial aos ciclistas do clube de BTT ‘Bicivoadores Val Miñor’ para trasladarlles o apoio do Concello tras inscribirse como asociación deportiva no Rexistro Municipal de entidades deportivas.

    O clube está constituído como tal desde hai preto de unha década e está formado actualmente por oito deportistas, todos eles de Nigrán, pero non estaban rexistrados oficialmente no Concello. Tradicionalmente organizan coa axuda do Concello unha BTT anual e, de cara a 2021, terán novos eventos.

    “É o único club de BTT en Nigrán e desde o Concello queremos ofrecerlle todo o noso apoio, estaremos encandados de poder colaborar nos eventos deportivos que programarán para 2021 tras ter que cancelar os deste ano por mor da pandemia”, indica o rexedor.

    RELACIONADOS

    LIBROS

    O Meu Andel

    A pegada de «Ronsel»

    Manrique Fernández -
    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
    O Meu Andel

    Dores Tembrás, «Enxertos»

    Manrique Fernández -
    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
    O Meu Andel

    Queridos Reis Magos…

    Manrique Fernández -
    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    © 2015-2020 comarcasnarede.es Todos los derechos reservados