7.9 C
Pontevedra
Venres, 29 de Marzo de 2024
Máis
    HomeVal MiñorNigránNigrán inicia o asfaltado dos camiños da Veiga de Nandín, en Parada,...

    Nigrán inicia o asfaltado dos camiños da Veiga de Nandín, en Parada, e das Cancelas, en Camos

    A obra é a cargo dunha subvención de Agader para reforzar o texido social e mellorar a capacidade organizativa das áreas rurais

    O Concello de Nigrán iniciou esta semana as obras de asfaltado dos camiños contiguos Veiga de Nandín (Parada) e Das Cancelas (Camos) cun investimento de 53.900 € a través dunha subvención da Axencia Galega de Desenvolvemento Rural (Agader) dirixida a reforzar o texido social e mellorar a capacidade organizativa das áreas rurais. Ambos presentaban moi mal estado de conservación, con baches e irregularidades, sendo de terra o tramo situado en Camos e de asfalto o de Parada, polo que a mellora na seguridade vial será absoluta.

    A intervención consiste no reforzo do firme existente mediante mesturas bituminosas e inclúe a mellora do sistema de drenaxe en Veiga de Nandín. Estas obras, adxudicadas a Construcciones Vale, estarán rematadas nas vindeiras dúas semanas.

    “Ambos camiños presentaban unhas condicións pésimas, polo que era unha demanda dos veciños da zona, que agora verán moi mellorada a comunicación nestes barrios”, explica o alcalde, Juan González, quen subliña que precisamente tamén cunha subvención de Agader foron asfaltados este ano en Camos os camiños de Aldeite, A Igrexa, Xuncido e Balinfra, dándolle un xiro radical ao anchearse moitos grazas as cesións da veciñanza. “Somos conscientes de que hai máis rúas que precisan melloras e seguimos traballando para anunciar en breve máis asfaltados”, avanza.

    Padres Franciscanos, Vilariño

    Paralelamente, a Deputación de Pontevedra está actualmente a asfaltar a rúa Padres Franciscanos de Vilariño desde a rúa Manuel González Prado ata a Avenida de Portugal, con accesos limitados a residentes. As obras, a cargo da empresa Covsa, estarán rematadas ao longo da semana próxima e a continuación intervirán nas rúas Telleira e Lagoíña (parroquia de Nigrán), tamén estradas provinciais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.