21.6 C
Pontevedra
Domingo, 25 de Setembro de 2022
Máis
    HomeVal MiñorNigránNigrán estrea desde o mes de decembro a súa primeira escola de...

    Nigrán estrea desde o mes de decembro a súa primeira escola de teatro municipal

    Teatro do Ar creou un vídeo promocional nas súas redes que pon en valor patrimonio natural do Concello

    O Concello de Nigrán amplía a súa oferta cultural creando unha nova escola municipal de artes escénicas a través da compañía local Teatro do Ar. Deste xeito, os interesados en participar neste proxecto aberto a todas as idades poden inscribirse este xoves e venres (25 e 26 de novembro) de 10:00 a 13:00 no Auditorio Municipal, tendo o curso un custe total de 75 €. As clases arrancarán na vindeira semana (serán os xoves e venres) e o número de prazas é de 80 divididas en 6 grupos de idade (10 para nenos e nenas de 3 a 5 anos e 15 para os grupos de 6 a 11 anos, de 12 a 18 e de 18 en diante). As prazas irán cubríndose por orde de solicitude, estando pendurada na web municipal toda a información. O grupo Teatro do Ar creou un vídeo promocional nas súas redes que pon en valor patrimonio natural do Concello e na que os interesados poderán coñecelos mellor.

    O teatro leva sendo un habitual nas programacións culturais de Nigrán dos últimos anos e o Concello tomou boa nota, por iso lanza xunto ao grupo local, Teatro do Ar, unha nova escola que se suma a música, pintura ou cerámica. O alcalde, Juan González, anima á veciñanza “a sumarse a unha escola innovadora, formada por xente de Nigrán, e aberta a todas as idades”, ao tempo que afirma que o Auditorio Municipal sempre estará “dispoñible para poder desfrutar dos resultados da súa aprendizaxe coas súas actuacións”.

    A escola estará dividida en grupos segundo a idade e o nivel do alumnado, haberá clases para nenos e nenas de 3 a 5 anos e de 6 a 11 anos, para mozos e mozas de 12 a 18 e para adultos. O profesorado estará formado por membros de Teatro do Ar, entre eles un mestre de Estudios Superiores de Teatro, unha graduada en interpretación e con experiencia en teatro e televisión, un actor que ten nas súas costas aparicións en películas e series, dúas actrices especializadas en traballar con nenas e nenos e un escritor e dramaturgo.

    O director de Teatro do Ar, Pedro Rodríguez, agradece ao Concello “a súa aposta polas artes escénicas” e avisa á veciñanza de Nigrán que “quen empeza no teatro adoita a volverse adicto aos escenarios”. Ademais engade que “creamos unha escola na que aprenderemos a ser actores e actrices, pero que tamén nos axudara a mellorar na nosa vida diaria reducindo a nosa timidez, axudándonos a falar en público, aprendendo a traballar en grupo e mellorando a nosa memoria”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS