O Concello de Nigrán e Cine Clube Val Miñor “Alice Guy” ofrecen este sábado 12 de setembro, no Auditorio Municipal, unha selección de curtametraxes do Festival de Cans 2020. Levarase a cabo en dous bloques, o primeiro dende as 19:15 horas e o segundo dende as 21:00 horas.
A producións que concursaban nas seccións de ficción e animación do festival de Cans chegan a Nigrán este fin de semana. O proxecto chámase Cans Expandido e pretende aumentar a visibilidade dos filmes pola redución de aforo que tivo que aplicar a organización ante a pandemia do COVID19.
Entre as películas están “Xoves de comades”, de Noemí Chantada, gañadora de catro galardóns e “16 de decembro”, de Álvaro Gago, con dous premios.
En cada unha das sesións proxectaranse un total de 13 cortos e a entrada terá unha achega voluntaria de 4 euros cuxo importe destinarase ao Premio FECIGA, que irá para a curtametraxe elixida por un xurado formado por membros dos cineclubes de Galicia.
