Veciñanza de Nigrán e policía local non só do municipio, senón dos outros concellos do Val Miñor –aos que se sumaron axentes do Porriño e Redondela–, participaron hoxe no emotivo acto de despedida do seu compañeiro Víctor Fernando Lomba González, de 53 anos de idade, que finaba repentinamente esta pasada noite.
A homenaxe sumouse tamén a Garda Civil, Protección Civil e GES Val Miñor que querían coa súa presenza, agradecerlle a Víctor Lomba González o labor desenvolvido a prol da veciñanza e da súa seguridade dende que, en 1998, entrou a forma parte deste corpo.
O Concello de Nigrán que, en nome de todos os traballadores e traballadoras e Corporación Municipal, trasladou as súas condolencias á familia, compañeiros e achegados, decretou dous días de loito oficial nos que, as bandeiras do Concello ondearán a media hasta.
