14.9 C
Pontevedra
Xoves, 29 de Xullo de 2021
Máis
    HomeVal MiñorNigránNigrán contratará catro técnicos a través do programa 'O teu primeiro emprego'...

    Nigrán contratará catro técnicos a través do programa ‘O teu primeiro emprego’ da Deputación de Pontevedra

    O Concello de Nigrán solicitará de maneira inmediata á Oficina do Servizo Público de Emprego de Baiona unha listaxe con catro persoas co Ciclo Superior de Administración e Finanzas para diferentes departamento da administración local.

    O proceso iníciase logo que a Deputación de Pontevedra publicase onte no BOPPO a relación de concellos seleccionados, entre os que está Nigrán, para participar na contratación de subvencións para a contratación de persoas en prácticas ao amparo das bases do programa de fomento da empregabilidade na provincia ‘O teu primeiro emprego’.

    Estas contratacións laborais están dirixidas a mozos titulados universitarios e de formación profesional de ciclos superiores, sen experiencia previa no campo da súa formación e co fin de poder adquirir a práctica profesional adecuada ao nivel de estudos cursados e facilitar a súa inserción no mercado laboral.

    “Como institución pública temos o deber de dar as maiores facilidades á mocidade para atopar o seu primeiro emprego, desde o Concello debemos axudar a que completen a súa formación académica con experiencia profesional para facilitarlles a futura inserción ao mercado laboral e, sen dúbida, ao mesmo tempo o consistorio tamén se beneficiará da súa presenza”, indica o alcalde, Juan González.

    Estas catro persoas desenvolverán o seu traballo cun contrato en prácticas durante 6 meses prorrogables a outros 6 (en función da resolución provincial final) e as retribucións serán as estipuladas nas bases da convocatoria. Entre os requisitos obrigatorios figuran estar rexistrados como demandante de emprego ou en mellora de emprego, non ter experiencia laboral previa no campo en cuestión e posuír a titulación esixida para o posto. Será o Servizo Público de emprego quen realice unha primeira selección dos candidatos requiridos desde o Concello de Nigrán.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS