7.9 C
Pontevedra
Venres, 29 de Marzo de 2024
Máis
    HomeVal MiñorNigránNigrán celebra, o luns 26 de xullo, o Día dos Avós cunha...

    Nigrán celebra, o luns 26 de xullo, o Día dos Avós cunha xornada festiva no torreiro de Priegue

    Constará de almorzo, xogos tradicionais, actuación musical e photocall. Os interesados (maiores de 65 anos empadroados en Nigrán) deben anotarse os días 15 e 16 de xullo de 10:00 h a 13:00 h no 986 365 000

    O Concello de Nigrán conmemora un ano máis o luns 26 de xullo o Día dos Avós cunha xornada festiva adicada a eles. Esta terá lugar desde o mediodía no Torreiro de Priegue e constará de photocall, almorzo, xogos tradicionais e actuación musical. Os interesados en participar (empadroados en Nigrán maiores de 65 anos) deberán anotarse entre o 15 e 16 de xullo de 10:00 a 13:00 horas no 986365000. O límite de aforo para esta xornada gratuíta é de 50 persoas, polo que se seguirá unha rigorosa orde de inscrición.

    O día comezará ás 13:30 cunha recepción con photocall e respectiva foto de agasallo para posteriormente almorzar ás 14:00 horas. A partir das 16:00 horas haberá petanca, cartas e dominó con premio para os gañadores de cada disciplina. A xornada rematará cunha actuación do grupo Sensación ás 18:00 horas.

    “Non podemos esquecernos dos nosos maiores despois deste ano e medio de pandemia especialmente duro para eles, con moitas restricións e unha vida social limitada que repercute negativamente no seu benestar emocional, polo que un ano máis festexaremos o Día dos Avós seguindo o protocolo sanitario de cada momento”, explica María Mayán, edil de Maiores.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.