O Concello de Nigrán deu luz verde esta semana ao inicio do derribo da nave do antigo matadoiro comarcal en Porto do Molle, ‘Macomusa’. Este era o máximo expoñente do feísmo na contorna e o derradeiro vestixio industrial en todo o recinto, xa que no momento da construción do parque non se chegou a ningún acordo cos propietarios. Sen embargo, tras o peche da empresa no ano 2020, Zona Franca adquiriu estes 12.833 m2 e os incorporou ao seu catálogo para dar cabida a novas empresas, sendo finalmente mercado por Emenasa.
“É a mellor noticia posible para Porto do Molle: desfacerse finalmente desta nave obsoleta e fora de contexto para gañar a cambio unha nova empresa que traerá emprego e riqueza a Nigrán , explica o rexedor, Juan González, sobre esta firma con sede en Jacinto Benavente (Vigo) e que, tras un investimento de 10 millóns de euros, trasladará aquí a súa pranta de fabricación e reparación de motores, alternadores e xeradores eléctricos, dando cabida a 70 empregos directos e 200 indirectos. “Macomusa era un parche feo no medio dun parque empresarial que precísamente representa todo o contrario: modernidade, sostibilidade e eficiencia”, considera González.
A nave de Macomusa será demolida no prazo dun mes por Demoliciones y Desamiantados Galicia, S.L.
