O Concello de Nigrán amplía ata o 15 de setembro o prazo de inscrición ao curso ‘Xestión de Almacén e Manexo de Carretilla Elevadora’ que comeza o día 19 cunha duración de 138 horas e que está dirixido prioritariamente a mulleres empadroadas en Nigrán e desempregadas. Este inclúe prácticas laborais en empresas. As interesadas deberán presentar o formulario de inscrición no Rexistro Xeral do Concello ou a través da sede electrónica, acompañada da documentación pertinente.
Este curso forma parte da formación ofrecida polo Concello a través do Centro de Información ás Mulleres (CIM) e grazas ao Programa FORMA-T (destinado prioritariamente a mulleres empadroadas en situación de desemprego).
O programa inclúe, a maiores, as seguintes acción formativas:
- Mobilización e cambios posturais de persoas dependentes con 20:00 horas de duración. Data de inicio: 26/09/22
- Necesidades educativas especiais a través do ocio con 25:00 horas de duración. Data de inicio: 03/10/22
- Administración electrónica con 15:00 horas de duración. Data de inicio: 04/10/22
- Iniciación á informática con 20:00 horas de duración. Data de inicio: 17/10/22
O prazo de inscrición para cada un rematará 10 días antes do inicio de cada curso. Para mais información poden dirixirse ao Centro de Información ás Mulleres no teléfono 986383081 ou no correo electrónico: [email protected].