Concello de Nigrán, seguros S4 e Noko360 ofrecen este domingo 28 de Maio a VI “Nocturna Nigrán S4” con record de inscritos ao superar xa a barreira dos 500 corredores. As inscricións permanecen abertas ata o mércores 25 de maio ás 23:59 horas e pódense realizar a través desta ligazón: https://bit.ly/3qa7cMT.
A proba foi presentada esta mañá na nova Biblioteca Municipal coa presenza de Juan González, alcalde de Nigrán; Alfredo Blanco, director xeneral de S4; Daniel Panteón, responsable de zona de S4; Serafín Martínez, director técnico da proba; e Jorge Otero, ex-futbolista internacional de Nigrán.
O circuíto será espectacular e constará de 5.000 metros aproximadamente, 100% en asfalto, con saída e chegada no aparcamento do ‘Campo das redes’, á beira de Praia América. Pódese ecoller entre unha distancia de 5.000 metros (unha volta) ou 10.000 metros (2 voltas) e a saída terá lugar ás 21:30 horas.
Unha hora antes, ás 20:30 horas, celebrarase unha proba totalmente gratis para os máis pequenos da casa, que afrontarán diferentes distancias segundo a súa idade:
- Chupetes de 3 a 5 anos: 200 metros
- Terremotos de 6 a 8 anos: 500 metros
- Yogurines de 9 a 11 anos: 900 metros
- Dandys de 12 a 14 anos: 1200 metros
Para máis información sobre a proba, pódese consultar na páxina web oficial: http://www.nocturnanigrans4.com
