Esquerda Unida e Podemos presentaron o luns unha moción conxunta no Concello de Nigrán para a adhesión E PODEMOS presentaron este luns unha moción conxunta para a adhesión de Nigrán ao Sistema de Seguimento Integral nos casos de Violencia de Xénero (VioGén), un proxecto destinado a previr as situacións de risco e protexer ás vítimas mediante a colaboración e coordinación das policía local de Nigrán co resto de policías.
Entre os obxectivos deste sistema están o de aglutinar ás diferentes institucións públicas que teñen competencias en materia de violencia de xénero, integrando a información, proporcionar ás vítimas un ‘Plan de Seguridade Personalizado’, ademais de efectuar una labor preventiva.
Para José Cuevas Raposo e Antía Fernández González, voceiros de Esquerda Unida e Podemos en Nigrán, respectivamente, o ámbito municipal por ser o máis próximo á cidadanía, “é o marco idóneo para incidir de xeito decisivo na vida das mulleres e impoñer unha mensaxe clara e contundente contra a violencia de xénero, ademais de a través da colaboración coa Policía Local mellorar a protección das vítimas de violencia de xénero”.
Ademais dunha mellora na protección das vítimas da violencia de xénero, esta adhesión suporía cuadriplicar as subvencións que recibe Nigrán para a súa prevención.
Concretamente a Nigrán lle foron transferidos conforme ao establecido nese pacto a cantidade de 3.860,96 euros nos anos 2018 e 2019. Se o Concello de Nigrán estivera adherido ao Sistema Viogen, a cantidade recibida polo Concello de Nigrán podería multiplicarse por 4.
