14.5 C
Pontevedra
Martes, 19 de Marzo de 2024
Máis
    HomeVal MiñorNigránEste domingo conmemorarase en Chandebrito o cuarto aniversario dos incendios

    Este domingo conmemorarase en Chandebrito o cuarto aniversario dos incendios

    A xornada incluirá un xantar popular e actuación do grupo de música da terra 'Os escaravellos'

    Concello de Nigrán, Comunidade de Montes de Chandebrito e Asociación de Veciños ‘O Castro’ conmemoran este domingo 17 de outubro na parroquia o ‘IV Aniversario dos Incendios’ cunha prantación desde as 11:30 horas na zona de ‘Chans de Rapadouro’ de 200 especies autóctonas doadas polo CFEA de Lourizán dependente da Axencia Galega de Calidade Alimentaria da Xunta. Ao finalizar haberá un xantar popular para os participantes, a continuación entrega de presentes a entidades colaboradoras e, finalmente, actuación do grupo de música da terra ‘Os Escaravellos’. En caso de choiva, a comida e o concerto trasladarase ao pavillón do Colexio Estudio.

    As parroquias de Chandebrito e Camos viviron o 15 de outubro un dos momentos máis tráxicos da súa historia ao sufrir uns gravísimos incendios que se levaron a vida de dúas mulleres nunha evacuación fallida, Angelina Otero e Maximina Iglesias, e máis de 600 hectáreas arrasadas.

    “As vida humanas son irreparables, esa dor e ese recordo sempre estarán aí, pero despois dos incendios tamén xurdíu en todos nos unha nova mentalidade ecoloxista e a esperanza e a ilusión de xestionar o monte doutro xeito, Chandebrito e Camos son o mellor exemplo delo”, explica Juan González, alcalde de Nigrán.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.