8.7 C
Pontevedra
Xoves, 28 de Marzo de 2024
Máis
    HomeVal MiñorNigránConcello de Nigrán e Aqualia presentan nos colexios do municipio a nova...

    Concello de Nigrán e Aqualia presentan nos colexios do municipio a nova edición do concurso dixital de debuxo infantil

    Desenvólvese a través da web www.aqualiayods6.com e está orientado a alumnos de 3º e 4º de Primaria

    A empresa Aqualia, concesionaria do servizo de saneamento e abastecemento no Concello Nigrán, presentou esta semana nos colexios do municipio a súa 19 edición do Concurso Dixital de Debuxo Infantil, dirixido a alumnado de 3º e 4º de Primaria. O certame desenvólvese a través da web www.aqualiayods6.com e un ano máis, ofrece materiais didácticos de gran utilidade para os profesores, entre os que destaca o vídeo educativo que explica que son os Obxectivos de Desenvolvemento Sostible, un conto e unha colección de carteis ilustrados que amplían todo este contido.

    O obxectivo é educar en valores axudando a reflexionar sobre os principais problemas ambientais, tanto a nivel global como local, e contribuir a crear conciencia convidando a participar na conservación e protección do medioambiente.

    Este popular certame reflicte o compromiso de Aqualia e Concello de Nigrán cos Obxectivos de Desenvolvemento Sostible, os ODS e a Axenda 2030 de Nacións Unidas, con especial atención ao ODS6: ‘Auga limpa e saneamento’.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.