Esta fin de semana –sábado 1 e domingo 2 de maio– a Praia de Patos acollerá a primeira etapa da Liga Galega de Surf Junior e Kids na que competirán todas as categorías feminina e masculina de Sub 21, Sub 18, Sub 16, Sub 14, Sub 12 e Sub 10 Mixto.
A Federación Galega de Surf, coorganizadora da proba xunto a Prado Surf Escola e o Concello de Nigrán, dió o pasado martes o visto e prace á celebración desta proba na que competirán novas riders de toda Galicia.
O sábado despois da entrega de premios haberá festa de celebración O Monopatín (Rúa Tomás Mirambell, 101, 36340 Nigrán) en que se poderán ver a fotos da joranad e na que haberá actuación en directo da banda Killer Spirit, banda liderada por Antón San Ildefonso, quen é á súa vez integrante e rider de Prado Surf Club.
Este é a segunda fin de semana consecutiva que Prado Surf Escola e o Concello de Nigrán volven acoller na Praia de Patos unha competición de surf, xa que a fin de semana pasada celebrouse alí tamén a primeira proba da liga Nacional Surfing Kids 2023.
A 1ª Etapa de Liga Galega de Surf Juniors e Kids está organizada pola Federación Galega de Surf e Bodboard, Prado Surf Escola e o Concello de Nigrán. Ademais, a proba conta co apoio de diversas firmas patrocinadoras e a colaboración de Mission Surf Shope, Deputación de Pontevedra, Xunta de Galicia e Deporte Galego.
