8.7 C
Pontevedra
Xoves, 28 de Marzo de 2024
Máis
    HomeVal MiñorNigránA Deputación avanza na mellora EP-2106 A Ramallosa-Parada

    A Deputación avanza na mellora EP-2106 A Ramallosa-Parada

    A Deputación de Pontevedra segue a avanzar na actuación de mellora da seguridade peonil na EP2106 A Ramallosa-Parada, no concello de Nigrán, que permitirá habilitar neste viario unha senda ao longo de case un quilómetro, así como a creación dunha plataforma única nun treito de douscentos metros. O proxecto ten un orzamento de 973.023 euros e son oito as empresas que optan a levar a cabo estas obras tras concluír o prazo de presentación de ofertas. A actuación financiarase a través dun convenio a través do cal a institución provincial aporta o 70% do investimento e o Concello o 30% restante, con fondos propios.

    Os traballos desenvolveranse ao longo dun quilómetros desta estrada provincial que ten un total de 4,1 e cunha elevada intensidade media de tráfico, e busca facilitar as condicións de seguridade e mobilidade para as persoas nesta zona próxima á Igrexa de Santiago de Parada e na que están situados varios equipamentos públicos, de xeito que é moi transitada. Para iso, crearase unha senda peonil de 2,5 metros de ancho pola marxe dereita en case todo o ámbito da actuación, e unha plataforma única nun treito de 200 metros de lonxitude, tendo en conta as condicións da contorna, na cal se prevé a instalación de mobiliario urbano e a reubicación da marquesiña de autobús.

    A maiores, o proxecto contempla a execución dunha nova rede de pluviais, así como melloras en diversos servizos urbanos, como o soterramento das liñas de electricidade e telecomunicacións existentes na actualidade en aéreo e tamén o cambio do alumeado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.