9.2 C
Pontevedra
Xoves, 27 de Xaneiro de 2022
Máis
    HomeVal MiñorGondomarOVALMI reúnese cos concellos do Val Miñor buscando apoio para iniciativas que...

    OVALMI reúnese cos concellos do Val Miñor buscando apoio para iniciativas que axuden aos empresarios tras o COVID-19

    Dende hai días, a Asociación de Empresarios do Val Miñor (OVALMI) está a manter diversos contactos con Baiona, Nigrán e Gondomar, de cara a establecer estratexias para a reactivación económica

    A Asociación de Empresarios do Val Miñor mantivo os pasados días 18 e 20 de abril, reunións co alcalde de Gondomar e a concelleira de Comercio na que tamén estaban presentes diferentes asociacións e varios empresarios da hostalería do municipio. O motivo desta xuntanza non era outro que a procura de solucións que permitan diminuír o impacto da crise á que se enfronta este sector, unha vez que se permita a apertura dos seus negocios.

    Os empresarios adiantan que este tipo de reunións “manteranse no tempo e estenderanse ao resto dos sectores produtivos, co fin de buscar solucións aos problemas que se lles están presentando ou que se poidan presentar ao longo deste ano tan complicado”.

    Desde OVALMI, aseguran ser conscientes que todos os empresarios “pasarán e están a pasar por momentos moi complicados durante estes meses” pero, matizan que a hostalería é o sector no que terá unha maior incidencia, “xa que a súa apertura está prevista que se produza en último lugar e a súa data non está aínda clara, pero non se prevé que sexa de maneira próxima no tempo”.

    “Somos conscientes que aínda que se levante o confinamento, os clientes terán medo a saír de casa durante unha tempada, –aseguran os empresarios do Val Miñor –por esta razón estamos a barallar a posibilidade de crear unha plataforma de venda online para os pequenos negocios do Val Miñor”.

    Preténdese, con esta acción, evitar na medida do posible a compra en grandes plataformas como Amazon “e que os pequenos comercios poidan empezar a vender”.

    A Asociación pediu vía rexistro do Concello de Nigrán, “que non se cobren as terrazas aos establecementos hostaleiros este ano e que se expoña unha redución ou exención en taxas como o lixo, IBI e outras, para os establecementos que non puideron abrir ou que sufriron graves perdas nos seus ingresos por mor da declaración do estado de alarma en España”.

    Estas iniciativas exporanse, de igual maneira, na reunión que se manterá o 24 de abril co Concello de Baiona.

    Ao longo destes días, desde OVAMI xestiona a compra de máscaras de protección, pantallas e demais material que permita garantir “que todos os empresarios poden traballar coa maior seguridade posible”.

    “Moitos dos nosos asociados –afirma OVALMI– atopábanse con graves problemas á hora de conseguir EPI’s para poder desenvolver o seu traballo de forma segura, por esta razón estamos a tentar conseguir todo aquilo que necesiten, ao mellor prezo posible”.

    A través das súas redes sociais, OVALMI, lanzou unha campaña de apoio aos negocios do Val Miñor, “Merca nos negocios do Val Miñor!! Entre todos manteremos vivo ou noso pobo”.

    OVALMI, quere poñer de relevo “o gran esforzo” que están a facer tanto os seus asociados como o resto de empresarios nestes momentos tan convulsos e incertos e dar as grazas aos concellos de Nigrán, Baiona e Gondomar “pola súa colaboración e a súa boa disposición á hora de buscar solucións para tentar paliar as graves consecuencias económicas producidas polo COVID-19”.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS