O rexedor municipal participou esta mañá na clausura do campus multideporte solidario. Este campus que chegou este ano a sua décima edición contou coa participación de máis de 60 nenas e nenos de entre 6 e 12 anos, que dende o lúns participaron no pavillón municipal en diferentes disciplinas deportivas.
Na clausura Paco Ferreira en nome do Concello fixo entrega dun agasallo a cada participante, que como non podía ser doutro xeito nestas datas, tratouse duns ovos de pascua de chocolate.
O alcalde sinalou que “este campus ten un triple obxectivo: fomentar a práctica deportiva entre as nenas e nenos de Gondomar, facilitar a conciliación familiar e laboral das nais e pais, e a recadación de alimentos en favor do Banco de Alimentos, obxectivos que se cumpriron sobradamente a tenor da alta participación”.
Asimesmo o rexedor aproveitou a visita para dar as grazas os clubes colaboradores, monitores,adestradores, e persoal do Concello, xa que “sen o seu gran traballo e colaboración non sería posible levar a cabo unha actividade tan gratificante”.