10.4 C
Pontevedra
Xoves, 28 de Marzo de 2024
Máis
    HomeVal MiñorGondomarGondomar premia o consumo no comercio local

    Gondomar premia o consumo no comercio local

    A campaña, promovida pola concellaría de Comercio, desenvolverase entre o 1 de decembro e o 6 de xaneiro, coincidindo coa campaña de Nadal. Como novidade, este ano non será precisa a inscrición previa por parte dos establecementos que se queiran sumar á campaña. Unicamente deberán entregar o ticket de compra aos clientes, que se queren entrar no sorteo deberán depositalo nunha caixa de correos que se habilitará con este fin na Praza Paradela.

    Ao finalizar a campaña procederase a o sorteo de premios valorados ata 1000 euros, repartidos en cheques-regalo que se poderán trocar de novo no comercio local, “alongando o consumo máis aló da campaña das festas e fomentándoo durante todo o ano”.

    “O comercio é un dos moitos sectores que se viron afectados pola pandemia e a recuperación económica que afrontamos despois. Desde o goberno local non nos esquecemos deles e seguimos promovendo actividades que sirvan para revitalizar as compras nestes establecementos e promocionalos como referentes non só agora nas festas, se non sempre”, apunta o alcalde Paco Ferreira.

    A “No Nadal, merca en Gondomar”, sumaranse outras iniciativas que perseguen este mesmo obxectivo como será o I Concurso de Decoración de Nadal ou o xa tradicional “Mercado de Nadal”, reforzado polo amplo programa de actividades culturais que se desenvolverán durante o próximo mes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.