O Concello de Gondomar porá en marcha un ano máis as súas escolas deportivas en colaboración coa Deputación de Pontevedra.
A partir do próximo mércores 21 abriráse o prazo de inscricción para as disciplinas de: judo, balonmán, baloncesto, patinaxe artística, psicomotricidade e multideporte, taekwondo, GAP, ximnasia de mantemento, xadrez e marcha nórdica.
O goberno local ten feito dende a súa chegada unha aposta decidida polo deporte en xeral e particularmente polo deporte de base, co incremento de orzamentos e melloras constantes das intalacións deportivas e a posta en marcha de outras novas.
O alcalde da vila, Paco Fereira, destacou que “Gondomar xa é un referente no deporte base en Galicia, e proba de elo é que algúns dos e das deportistas de Gondomar que actualmente están competindo a nivel autonómico, nacional e incluso internacional deron os seus primeiros pasos no deporte nas nosas escolas municipais”. “Gondomar e unha vila que vive o deporte como ferramenta para unha vida máis saudable e para a socialización e por tanto seguiremos traballando para ampliar as nosas escolas tanto en numero de prazas como de disciplinas”.
