Este domingo 7 de maio, a Concellería de Turismo, en colaboración coa empresa local Baiventura, realizará o último roteiro de sendeirismo da tempada. Será un roteiro de 11,5 km polo monte da Groba.
As persoas interesadas poden apuntarse na oficina de turismo de Baiona (986 68 70 67; oficinadeturismo@baiona.gal).
A iniciativa, bautizada como ‘Baiona Natural’, habilitou novas rutas de sendeirismo entre as catro parroquias do municipio.
A Concellería de Turismo de Baiona afianza a súa aposta polo turismo sostible. Neste sentido, desde o departamento municipal foise un paso máis, cara a un novo modelo de turismo sostible potenciando a sustentabilidade de destino Baiona. Trátase dunha adaptación da planificación turística ao novo contexto do turismo, sumando a todos os actores implicados no ecosistema local co obxectivo de desenvolver e transferir coñecementos e boas prácticas do novo modelo de turismo sostible que desde o Concello están a aplicarse.
Desde a Concellería apóianse accións que axudan á creación de novas fórmulas de diversificación da oferta turística atractiva para os visitantes á vez que se favorece a sustentabilidade do medio ambiente. Así o testemuñan, as exitosas novidades postas en marcha por primeira vez o ano pasado do pasado polo departamento: Os roteiros guiados gratuítos “Safari Etológico de Garranos”, unha proposta levada a cabo en colaboración con Finca Moreiras; e a proposta dos roteiros de sendeirismo “Baiona Natural”, en colaboración coa empresa local Baiventura. A estas hai que sumar a incorporación este ano dos roteiros en bicicleta eléctrica de montaña “e-bike” pola contorna natural da Villa, tamén levadas a cabo por Baiventura.
