9.6 C
Pontevedra
Xoves, 28 de Marzo de 2024
Máis
    HomeVal MiñorBaionaO pavillón municipal de Baiona contará con caldeira de biomasa e paneis...

    O pavillón municipal de Baiona contará con caldeira de biomasa e paneis fotovoltaicos

    O Concello de Baiona instalará no Pavillón Municipal de Deportes unha caldeira de biomasa, un sistema pioneiro no municipio. A caldeira do pavillón será a primeira instalación destas características que vai haber no municipio e ten un sistema de auga quente sanitario que pretende mellorar os servizos, á vez que se reduce o consumo enerxético e afórranse custos económicos. Tamén se procederá á instalación de paneis fotovoltaicos na cuberta do edificio.

    Ademais, levarase a cabo outro investimento destinado á modernización e a mellora dás redes de abastecemento municipal coa instalación dun equipo contador con emisor de pulso, equipo imprescindibles para dixitalizar a rede de distribución de auga, que, polas súas características de flexibilidade en canto a número de entradas/saídas e capacidade de comunicación, permite abarcar un amplo número de casos de uso facendo o sistema, deste xeito, moi fácil de instalar e manter.

    “Desde o goberno local fíxemos fincapé na aposta polas enerxías renovables e menos contaminantes.Todos estos investimentos están destinados á mellora da eficiencia enerxética das infraestructuras municipais”, sinala, Carlos Gómez Prado.

    A caldeira, os paneis fotolvotaicos e a instalación dun equipo contador con meiros de pulsos, poderá adquirirse grazas a unha subvención da Consellería de Economía, Emprego e Industria por un importe de 186.000 euros, o que supoñerá o 80 % desta subministración, que permitirá aforrar ao redor dun corenta por cento de enerxía, polo combustible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.