21.8 C
Pontevedra
Luns, 27 de Setembro de 2021
Máis
    HomeVal MiñorBaionaO Museo da Carabela Pinta reabre este xoves as súas portas con...

    O Museo da Carabela Pinta reabre este xoves as súas portas con aforo limitado e estritas medidas de seguridade sanitaria

    Os horarios tanto de mañá como de tarde, estarán divididos para proceder a traballos de limpeza e desinfección entre as diferentes quendas de visitantes

    Este xoves 4 de xuño, o Museo da Carabela Pinta volverá a abrir as súas portas co que Baiona da un paso máis dentro da nova normalidade imposta pola crise sanitaria da COVID-19. A reapertura deste museo flotante engádese á da Casa da Navegación, hai xa semanas, co que a Concellería de Cultura do Concello de Baiona, que xestiona Miriam Costas, pon a disposición do público dous dos seus máis importantes elementos histórico-culturais.

    A apertura do museo da Carabela Pinta estará marcada por estritas medidas de seguridade sanitaria, como xa é habitual en todas as instalacións que, de xeito paulatino, vai abrindo ao público o Concello de Baiona.

    Así, o aforo estará reducido a un máximo de 12 persoas e as rutas a seguir polos e polas visitantes, tanto no pantalán coma na propia carabela, estarán debidamente marcadas para manter, na medida do posible, a distancia de seguridade recomendada.

    No interior da carabela será obrigatorio o uso de máscara de protección e haberá hidroxel para a desinfección das mans. Asemade, lémbrase a prohibición de tocar as pantallas explicativas e o atrezo do barco. Todas estas recomendacións estarán debidamente expostas ao público en carteis indicadores.

    Con todas estas medidas “unidas á responsabilidade individual de cada quen –explica a concelleira de Cultura, Miriam Costas– garántese que se poida gozar dun dos elementos históricos máis demandados polos visitantes”.

    Horarios

    O Museo da Carabela Pinta abrirá de martes a domingos en horario de mañá e tarde. Así os martes, mercores, xoves e venres poderá visitarse entre as 10:00 h e as 11:30 horas e de 12 h a 13:30 horas reservándose a media hora comprendida entre as 11:30 h e as 12 h para traballos de limpeza e desinfección. Polas tardes, o horario será de 16:00 h a 17:30 horas e de 18:00 h a 19:30 horas incluíndo tamén un peche de 30 minutos entre quendas para limpeza.

    Os sábados e domingos os horario serán de 10:30 h e as 11:30 horas e de 12 h a 13:30 horas e de 16:30 h a 17:30 horas e de 18:00 h a 19:30 horas.

    Finalmente, Miriam Costas, fixo un chamamento “á colaboración de todos e todas á hora de respectar as normas de visita” que, lembrou, “adóptanse para a seguridade tanto dos e das visitantes como do persoal que traballa nesta dotación cultural”.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS