8.5 C
Pontevedra
Venres, 2 de Decembro de 2022
Máis
    HomeVal MiñorBaionaO mercado de Sabarís volve este luns á normalidade con máis de...

    O mercado de Sabarís volve este luns á normalidade con máis de 170 postos e con rigorosas medidas de seguridade sanitaria

    O tamaño dos postos maiores de 4 metros, será reducido nun 25 % para permitir manter as distancias de seguridade mínimas establecidas polas actuais normativas sanitarias

    O luns 22 de xuño, o tradicional mercado de Sabarís volverá case que á normalidade logo de que, nas últimas semanas e a medida que se ía avanzando nas fases da ‘desescalada’, retomara a súa actividade de xeito paulatino e cinguido exclusivamente a postos de sector agroalimentario.

    Nesta ocasión, o mercado retomará xa o seu formato máis habitual coa presenza de máis de 170 postos que ofrecerán, como adoita acontecer, os máis diversos produtos e nunha actividade que supón un elemento dinamizador da economía local.

    O Concello de Baiona, a través da Concellería de Comercio e Mercado que xestiona Víctor Muñoz, optou pola realización de pequenas modificacións que, sen necesidade de cambiar de ubicación os postos, permitan manter as distancias de seguridade establecidas pola actual normativa sanitaria da COVID-19.

    Nese sentido, o Concello de Baiona optou por reducir a dimensión dos postos maiores de catro metros nun 25 %, a fin de poder dar cumprimento as normas sobre a distancia mínima de seguridade entre os postos de venda. Conséguese, con esta medida, “non cambiar de situación os postos, co prexuízo que iso ocasionaría as e aos vendedores, e ao mesmo tempo garantir a seguridade sanitaria tanto das persoas que alí traballan coma dos usuarios e usuarias”, sinala o edil de Mercados.

    Doutra banda, nos puntos de acceso a Policía Local comprobará que todas as persoas que se acheguen ao mercado de Sabarís cumpran coas normas de prevención establecidas, comprobando que leven máscaras de protección e evitando aglomeracións de persoas.

    Tanto o alcalde, Carlos Gómez, como o concelleiro de Mercados, Víctor Muñoz, fixeron un chamamento “á responsabilidade de veciños e veciñas á hora de cumprir coas normas de seguridade”. “A veciñanza de Baiona –sinalou o alcalde– fixo un enorme esforzo durante o confinamento e amosou enormes doses de solidariedade e responsabilidade. Agora é hora de seguir avanzando nesa liña para evitar unha volta atrás que tería unhas consecuencias imprevisibles”.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS