14.6 C
Pontevedra
Sábado, 19 de Xuño de 2021
Máis
    HomeVal MiñorBaionaO Delegado do Goberno en Galicia vista as instalacións militares de Cabo...

    O Delegado do Goberno en Galicia vista as instalacións militares de Cabo Silleiro en Baiona

    O alcalde de Baiona, Carlos Gómez Prado, recibiu hoxe ao Delegado do Goberno en Galicia, José Miñones, na que foi a primeira visita institucional ao Concello de Baiona.

    O encontro institucional materializouse cunha visita ás emblemáticas instalacións militares de Cabo Silleiro que están en vías de pasar a titularidade municipal.

    O alcalde e o delegado percorreron parte das instalacións acompañados pola subdelegada do Goberno en Pontevedra, Maica Larriba e o subdelegado de Defensa na provincia, coronel Miguel Constantino Cortés, onde mostrou sobre o terreo os plans que ten o goberno local nas dependencias e informarlle da situación dos trámites.

    José Miñones felicitou ao alcalde de Baiona pola súa xestión e puxo en valor a sensibilidade do Ministerio de Defensa para facer a transacción. Sobre este proceso, o delegado confirmou que o Ministerio de Defensa está a realizar os trámites necesarios para poder escriturar a propiedade a nome do Concello e mostrou a súa confianza de que estes trámites finalicen o antes posible.

    Así mesmo, o rexedor baionés informou da reunión mantida con representantes do colexio de arquitectos co obxectivo de iniciar, o máis axiña posible, os preparativos para o concurso de ideas que o rexedor prometeu para seleccionar un proxecto de reforma das instalacións.

    “Queremos que sexa un espazo para diferentes actividades, multiocio. E poñelo en valor desde o punto de vista paisaxístico, ambiental e histórico”, sinala o alcalde. “Temos que facer o mellor proxecto do mundo porque o sitio meréceo”, defende Gómez, e por iso o goberno local aposta por convocar un concurso de ideas que posibilite proxectar o maior potencial deste espazo.

    Batería de Cabo Silleiro

    O Ministerio de Defensa puxo á venda a batería de Cabo Silleiro xunto con outras instalacións e bens inmobles no ano 2013, dentro do Plan de Racionalización de Bens Inmobiliarios do Ministerio. O prezo inicial da venda superaba os 500.000 euros. Finalmente, o acordo alcanzado o pasado mes de marzo rebaixa a cifra ata os 369.060 euros.

    Esta batería formaba parte, xunto ás baterías J1 do Cabo de San Vicente, J2 de Udra, J3 Monteferro, J5 Baixo e J6 A Guarda, dunha armazón de fortificacións do século XX que tiña por obxecto blindar a costa sur da provincia de Pontevedra.

    Os terreos onde se asenta a Batería de Costa de Cabo Silleiro foron ocupados cara a 1940, mentres que as obras máis significativas de infraestruturas e instalacións tiveron lugar entre 1945 e 1969.

    Trátase dun complexo militar formado por varios edificios, canóns e túneles que a día de hoxe atópase en estado ruinoso.

    A superficie aproximada da batería adquirida polo Concello de Baiona é de 98.000 metros cadrados. Dispón de 4 canóns de artillería Vickers de 1943 –cun alcance de 16 quilómetros- aliñados na ladeira do monte, e que nunca foron usados. Estes canóns están unidos por túneles escavados no granito. En total, a ladeira do monte está atravesada por 200 metros de pasadizos que, orixinalmente, tiñan raíles para posibilitar o transporte da munición. No seu interior tamén se construíu un búnker de telemetría que se reabriu no 2002 para observar a marea negra do Prestige.

    COLABORACIÓNS

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Economía, impuestos, presupuestos y milagros

    La pandemia que hemos sufrido en estos últimos meses y que ha afectado a la totalidad del planeta, ha cambiado nuestras vidas y nos ha obligado a modificar nuestros comportamientos sociales, culturales y económicos, seguramente para siempre. Ante este hecho, los gobiernos se han visto obligados a actuar y a tomar una serie de medidas, que se han centrado en tres ejes: La paralización de la economía por decreto-ley, la concesión de ayudas y subsidios para paliar los efectos de semejante desastre y la limitación de libertades y derechos individuales, especialmente el de reunión y el de libre circulación.

    Tarifa Valle

    Cuando estoy escribiendo este comentario lo estoy haciendo en el período de la 'tarifa valle', ya que nuestros queridos representantes han aprobado las tarifas eléctricas 2.0TD (en mi época de amante de los automóviles eso significaba que estamos ante un vehículo con motor turbo diésel de dos litros de cilindrada, pero cuando hablamos de tarifas eléctricas., vete a saber).

    Colaboradores

    Alberto Aliaga Sola
    5 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS