O Concello de Baiona, reforza os servizos básicos de limpeza e baldeo intensivo no municipio. Durante os últimos días, un equipo integrado por varias persoas está a traballar co apoio da máquina varredora e máquinas de baldeo a presión para mellorar a limpeza viaria e a imaxe xeral do estado da localidade.
O Alcalde de Baiona, Jesús Vázquez Almuíña, sinalou que “estamos a traballar intensamente para dar maior resposta á veciñanza en materia de limpeza e, ao mesmo tempo, mellorar a imaxe de Baiona”. Para iso informou que “dentro deste novo plan de baldeo e cepillado, xa se levou a cabo no Casco Vello así como nos distintos canellóns que dan acceso ao mesmo desde a Rúa Elduayen. A maquinaria tamén pasou por Santísima Trindade e realizouse un baldeo mixto na propia Rúa Elduayen”.
Así mesmo, indicou que “son uns traballos que están a dar bastante resultado e que aos poucos irá chegando a outras zonas do municipio”, á vez que pediu “paciencia” á cidadanía, debido a que de maneira progresiva irase cubrindo as necesidades do municipio. “
E é que segundo lembrou “un dos compromisos do alcalde, é mellorar o estado xeral do municipio e a calidade dos servizos básicos que ofrece o Concello aos cidadáns e cidadás, entre os que se inclúe a limpeza viaria. Niso estamos a traballar, empezaron a notarse o resultados pero seguiremos profundando neste labor na que esperamos tamén contar coa necesaria colaboración de todos a cidadanía”.
O rexedor baionés tamén solicita “a colaboración do sector da hostalería e da cidadanía en xeral para que as rúas permanezan limpas para o goce de todos os veciños e veciñas o máximo tempo posible. “Unha Vila coas rúas limpas é fundamental para a propia hixiene da mesma e que todos a veciñanza poida gozar do noso municipio nas mellores condicións e tamén para aquelas persoas que nos visitan e vanse cunha boa imaxe da nosa localidade”
O Concello de Baiona iniciou unha campaña de reforzo da limpeza viaria a través da realización de distintos decapados das beirarrúas, que completan os labores habituais de limpeza viaria. Esta iniciativa arrincou esta semana para realizar baldeos nas beirarrúas con equipos de limpeza con auga a presión e outros medios mecánicos.
O obxectivo deste reforzo é combater a acción xerada sobre as beirarrúas para iso realízase unha limpeza en profundidade da sucidade incrustada, graxas, restos de chicles, e sucidade persistentes aos procedementos normais de baldeo e varrido. O equipo utilizado posúe unha impulsión de auga a presión e complétase cun reforzo de produtos desengrasantes.
Vai facer un decapado intensivo de varias zonas do municipio, especialmente en beirarrúas e zonas peonís, e coa axuda de maquinaria especializada na limpeza destas características.
