14.1 C
Pontevedra
Martes, 13 de Abril de 2021
More
    HomeVal MiñorBaionaO Concello de Baiona organiza un concurso de decoración de Nadal para...

    O Concello de Baiona organiza un concurso de decoración de Nadal para establecementos baioneses

    O Concello de Baiona, a través da Concellería de Cultura do Concello de Baiona organiza un concurso de decoración de nadal para os establecementos do Municipio. O prazo estará aberto desde onte, 17 de novembro, ata o vindeiro mércores 1 de decembro.

    O presente concurso ten por obxecto promover e incentivar a creatividade comercial de Baiona á hora de presentar os establecementos, facelos máis atractivos ao consumidor ou consumidora reforzando a imaxe dos mesmos e dinamizando o comercio no Municipio.

    Desde o Concello de Baiona anímase aos negocios para converterse nun referente comercial decorativo no Val Miñor. A intención é que esta actividade tamén atraia ata a vila a visitantes, veciños e veciñas co fin de gozar dunha contorna ambientada coa singular decoración que anime ás compras do Nadal.

    A temática dos escaparates e dos establecementos estará vinculada ás datas de Nadal, o que contribuirá a crear un ambiente festivo propio destas festas. Desde o Concello premiarase aos negocios que, con motivo da campaña do Nadal 2020-2021 mellor engalanen as fachadas, escaparates e o interior dos seus negocios.

    Haberá dúas categorías de premios a repartir entre os establecementos participantes: Premio á mellor decoración (500 euros) e premio á orixinalidade e innovación (500 euros).

    Poderán participar neste concurso todos os establecementos do Concello de Baiona (comercio polo miúdo, restauración, hostalería, etc. ) que o soliciten formalmente na Oficina de Rexistro do concello(necesario solicitar cita previa) ou a través da Sede electrónica ata o mércores 1 de decembro, incluído. No caso dos asociados a Aceba, Coemsa, e Ovalmi, será a propia asociación quen poderá realizar as inscricións dos seus socios que o soliciten formalmente.

    A decoración da fachada e a decoración interior deberán centrarse nas festas do Nadal e manterse como mínimo desde o día 5 de decembro ata o 8 de xaneiro de 2021, ambos os incluídos.

    En canto ás imaxes dos escaparates será necesario enviar un dossier de fotografías (máximo 10) que deberán presentarse para a valoración posterior do xurado e presentalo por rexistro do concello ou ben por sede electrónica nos termos previstos na cláusula segunda das bases do concurso, indicando o nome do establecemento ao que pertence. Na súa falta, será posible entregar un dispositivo USB con este contido ben na asociacións de comerciantes ou na propia Concellería. A data tope para entregar a documentación gráfica das creacións será ata o 30 de decembro de 2020.

    Documentación para a solicitude de participación da campaña, bases e outra documentación necesaria na páxina web municipal: www.baiona.gal.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS