O Concello de Baiona instala varios contedores para a recollida selectiva de roupa usada con fin social

O Concello de Baiona instalou en distintos puntos do municipio varios contedores para a recollida selectiva de roupa usada con fins sociais.

As baterías de reciclaxe xa están instaladas no Aparcamento da Avda. Foz do Miñor, no aparcadoiro do Froiz de Sabarís, na Rúa Pomba, xunto ao Carrefour Market, na Estrada de Santa Marta nº13 e na Avenida Monterreal nº2. Tamén en Santa Liberata, na Rúa Palos de la Frontera nº12, en Ponche, nº35, na Avda. Doutor Benito Fariñas, 52, na rotonda da Gasolineira no Burgo e no punto limpo situado en Baíña.

A actuación é posible grazas a un convenio de dous anos de duración asinado polo consistorio baionés e a Fundación Humana.

Humana Fundación Poboo para Pobo, é unha organización que desde 1987 promove a protección do medio ambiente a través da reutilización de téxtil.

A Concellería de Medio Ambiente do Concello de Baiona encargada de facer as xestións para a instalación dos contedores tamén asinou outro acordo de colaboración con Cáritas para a instalación de contedores de recollida de roupa en diferentes puntos do municipio. En concreto, acordouse a instalación de tres contedores que se sitúan na contorna das igrexas das parroquias de Baíña, Baredo e Belesar.