8.7 C
Pontevedra
Xoves, 28 de Marzo de 2024
Máis
    HomeVal MiñorBaionaO Concello de Baiona entrega a José Antonio Infante García unha versión...

    O Concello de Baiona entrega a José Antonio Infante García unha versión dixital do diario cedido á Casa da Navegación

    Esta mañá, na Casa da Navegación, a Concelleira de Cultura do Concello de Baiona Miriam Costas Iriarte fixo entrega dunha copia dixital do diario de Ramón Barreiro, cedido en depósito á Casa por José Antonio Infante García, sobriño neto do autor do diario.

    Ramón Luís Barreiro, piloto naval formado en Ferrol, natural de Foz (Lugo), foi un dos protagonistas da viaxe de circunnavegación realizado en 1849 pola Corveta Ferrolá con obxectivo de servir de instrución naval pero especialmente, con función diplomática nun momento en que empezan a independizarse algunhas terras de ultramar.

    Durante esta viaxe de 3 anos, Ramón Barreiro escribe o seu particular diario e ilústrao con debuxos da súa propia nave, pero tamén doutros tipos de barcos que se van atopando polos mares do mundo. Hoxe é unha peza única para coñecer desde dentro, os avatares e principais feitos dunha viaxe histórica no que se combinan informacións diversas como a navegación e o rico vocabulario, xeografía, historia, economía e sociedade.

    A Casa da Navegación proxecta unha exposición para divulgar esta peza única coa experiencia do periplo de Ramón Luís Barreiro e os principais feitos relacionados.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.