14.5 C
Pontevedra
Luns, 21 de Xuño de 2021
Máis
    HomeVal MiñorBaionaO Barbeira Season Fest combinará música indie e alta gastronomía

    O Barbeira Season Fest combinará música indie e alta gastronomía

    Un dos últimos festivais do verán galego en celebrarse terá lugar o próximo 19 de setembro na Península de Santa Marta de Baiona

    Onte presentouse en Baiona o Barbeira Season Fest, que se celebrará o vindeiro sábado 19 de setembro nunha nova localización do municipio, a Península de Santa Marta. Este ano, o festival desprázase do Parador de Baiona e a praia de Barbeira para poder cumprir coas normas de aforo que marcan as autoridades sanitarias.

    O festival presentouse a través dun coloquio conducido pola xornalista Teresa Cuíñas no que participaron o alcalde de Baiona, Carlos Gómez, a concelleira de Cultura, Miriam Costas, o Brand Manager de Mahou San Miguel en Galicia, Hugo Pérez, o director do festival, Isaac González, o chef Pedro Pérez, de “ Cociña Ourense” e os grupos Basanta e Ortiga. Ademais, a organización do certame convidou a asistir como público á presentación ás 10 primeiras persoas en reservar a súa cadeira. Con esta pequena representación, o festival quixo agradecer a toda a xente que, comprando a súa entrada, segue apoiando e confiando no proxecto nestes tempos de incerteza para o sector.

    Durante a charla, o alcalde de Baiona asegurou que “desde o Concello temos un compromiso coas persoas e o apoio a este festival confirma que seguimos traballando nesta liña”. “A cultura en Baiona é un referente histórico que temos que seguir protexendo”, comentou. Ademais, o alcalde afirmou que a celebración deste festival servirá como “pistoletazo á desestacionalización na que vimos traballando”. Pola súa banda Miriam Costas, responsable da área de Cultura do municipio, resaltou a calidade de “refuxio” que ten a cultura e falou do orgullo que representa poder apoiar proxectos como este en momentos tan complicados. Hugo Pérez, Brand Manager de Mahou en Galicia, a principal marca patrocinadora do certame, comentou que “como non podía ser doutra maneira, Mahou está hoxe aquí para demostrar o seu apoio á organización que está a realizar un gran esforzo para adaptarse ao novo contexto. Nestes momentos tan complicados Mahou quere demostrar, agora máis que nunca, o seu compromiso coa música en directo e a súa capacidade para unir persoas e impulsar experiencias únicas e encontros inesquecibles como o que, sen dúbida, será esta segunda edición do Barbeira Season Fest”.

    O coloquio derivou despois nunha conversación entre o director do Festival, Isaac González, e os grupos Ortiga, un dos que forman o cartel deste ano, e Basanta, que, tal e como desvelaron, estará o ano que vén. Falaron da importancia de manter vivos estes eventos “para que técnicos, promotores, artistas, etcétera, podamos seguir vivindo”, comentou Ortiga. Pola súa banda, Basanta, que confirmou que será a primeira formación en subirse ao cartel do 2021, apelou á esperanza. Isaac González, agradeceu o apoio recibido pola administración e empresas privadas para manter vivo o certame. “Temos que atrevernos a facer eventos de maneira segura. A cultura é segura”, finalizou.

    Todos quixeron tamén destacar a “valentía” e a “profesionalidade” da empresa promotora do evento, Elemental Street, por manter vivo o festival nestes momentos.

    Concertos e gastronomía ourensá

    La La Love You, Ginebras, Ortiga e Lisasinson serán os grupos que se suban ao “Escenario Mahou” do Barbeira Season Fest desde as 14:00 horas ata as 22:00 h horas do sábado. Ademais, este ano, o festival contará cun espazo gastronómico no que os chefs do grupo “ Cociña Ourense”, convidados pola Deputación de Ourense e aceites abril, serán os protagonistas. “Os chefs son tamén cabeza de cartel”, sinala o director do Season. Os cociñeiros serán os primeiros en “actuar”. A súa sesión de cociña fusionarase coa música da DJ Paula Docampo e tamén serán os encargados de pechar o festival. “A idea é que o público coma e cee alí mesmo pratos de alta cociña a un prezo alcanzable”, sinala González.

    O Barbeira Season Fest está organizado pola promotora de eventos Elemental Street e conta co apoio do Concello de Baiona e Mahou, como patrocinadores principal, e a colaboración de Aceites Abril, Galicia Calidade, Deputación de Ourense, El Afilador e Lolea.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS