A Unidade Móbil de coidados sociosanitarios estará instalada na Avenida Arquitecto Jesús Valverde (entrada do parador de Baiona) hoxe e mañá para prestar de forma gratuíta os servizos en horario de atención de 09.00 ás 20.00 horas.
Desde a Concellería de Servizos Sociais do Concello de Baiona anímase á poboación maior de 55 anos do municipio para participar neste programa, destinado especialmente a efectuar revisións e valoracións auditivas, atención podológica para prevención e tratamento das principais patoloxías e realización de probas de valoración cognitiva para a prevención de doenzas como o Alzhéimer ou demencias neurodegenerativas.
Para esta visita en Baiona da Unidade Móbil de coidados sociosanitarios, é preciso pedir cita previa chamando ao número de teléfono 622 748 283 ou no 623 546 992 ou ben contactar a través do enderezo de correo electrónico coidadosportaaporta.politicasocial@xunta.gal.
