7.9 C
Pontevedra
Mércores, 6 de Decembro de 2023
Máis
    HomeVal MiñorBaionaBaiona organiza unha Festa Infantil de Entroido no Pavillón de Deportes

    Baiona organiza unha Festa Infantil de Entroido no Pavillón de Deportes

    A Concellería de Cultura do Concello de Baiona, organiza unha festa infantil especial de Entroido para os próximos días 5 e 6 de marzo de 2019. Serán dous días –Martes de Entroido e Mércores de Cinza– haberá unha chea de actividades lúdicas dirixidas aos máis cativos entre as 16 horas e as 20:30 horas.

    Nenos e nenas poderán gozar de inchables, maquillaxe, obradoiros, Foamball da Área Nerf, Realidade Virtual, Plastichef de PlayDoh, Fotomatón, Photocall e Área de Bloques Xigantes.

    Ademáis, o Martes 5, celebrarase un Gran Concurso Infantil de Disfraces, en modalidade individual. As inscricións para participar neste concurso, realizaranse o mesmo día de dende as 16 horas ata as 18 horas en que dará comezo o concurso.

    Os participantes optarán a un primeiro premio dunha Playstation 4; un segundo premio de unha Tablet Samsumg Galaxy Tab 4; un terceiro premio que será un Hoverboard +Kart; o cuareto premio terá como agasallo un patinete eléctrico; o quinto premio consistirá nunha Tablet Samsumg Galaxy Tab E e, do sexto ao décimo premio obterán un kit de agasallos.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.