A Comisión de Honores e Distincións do Concello de Baiona aprobou hoxe a concesión de diferentes Símbolos e Distincións Honoríficas, que se aprobarán definitivamente no próximo pleno municipal.
“Queremos recoñecer a aportación á vila desde diferentes ámbitos de persoas, entidades e agrupacións que levan moitos anos traballando ou con actividade en Baiona”, asegura o alcalde, Carlos Gómez Prado.
“Merecen un recoñecemento público, o seu traballo e legado fan grande e mellor unha vila como a nosa”, engade.
Ademais, hoxe aprobouse o nomeamento de Cronista da Vila a Anxo Rodríguez Lemos.
Os Símbolos e Distincións Honoríficas aprobadas son:
- Lazo de Honra á Asociación Folclórica Vila de Baiona
- Lazo de Honra á Agrupación Musical de Belesar
- Nomeamento do Espazo Público Manolo Ferreiro
- Carabela de Ouro a Mari Carmen Ratel López e Manuel Goce Ratel, nai e fillo, pasado e futuro, do Establecemento Hosteleiro “Restaurante Naveira”
- Carabela de Ouro a Dolores Barreiro Barreiro “Lola a do Peixe” e a Rafael Pereira Barreiro, nai e fillo do Establecemento Hosteleiro “Restaurante El Mosquito”
- Lazo de Honra a José Joaquín Costas Miniño “Pepe Prais”
- Medalla de Plata para o Baíña Fútbol Sala
- Medalla de Ouro ao CEP de Sabarís
- Medalla de Ouro ao CPI Cova Terreña
- Lazo de Honra ao Coro de Homes “Voces Baionesas”
- Medalla de Ouro ao Liceo Marítimo de Baiona
