O día grande das celebracións será este mércores, 20 de xullo, día en que se honra a Santa Liberata. Volve a procesión ás rúas da vila despois de dous anos sen celebrarse por motivo da pandemia.
O domingo, 17 de xullo, iniciarase a novena na Capela de Santa Liberata, media hora antes da misa das tardes.
O propio día da Ilustre Paisana de Baiona, 20 de xullo, ás 11:00 horas celebrarase unha primeira misa na capela que leva o mesmo nomee que a santa.
Pola tarde, ás 20:00 horas celebrarase a misa solemne na Colexiata Santa María de Baiona cantada polo coro parroquial. Acto seguido terá lugar a procesión acompañada polo grupo de gaitas “A Seneira” e a banda de música de Baiona.
Unha vez finalizada a procesión os baioneses e visitantes poderán venerar a reliquia da Santa.