8.7 C
Pontevedra
Xoves, 28 de Marzo de 2024
Máis
    HomeVal MiñorBaionaA ministra de Industria e Turismo destaca a aposta de Baiona polo...

    A ministra de Industria e Turismo destaca a aposta de Baiona polo turismo sostible

    A ministra de Industria, Comercio e Turismo, Reyes Maroto, elixiu Baiona para pasar uns días de descanso neste Nadal e mantivo unha reunión de traballo co alcalde, Carlos Gómez Prado.

    Maroto destacou o modelo de vila e turismo sostible polo que aposta o alcalde e o concello, o que motivou que fose o primeiro concello do Val Miñor en obter fondos Next Generation da UE para humanizar a contorna de Santa Liberata, entre outras actuacións.

    “Quero felicitar ao alcalde e ao concello por aproveitar os fondos europeos para impulsar en Baiona un turismo sostible, dixital e inclusivo, que atrae a turistas de todo o mundo”, manifestou a ministra, unhas declaracións que deixou tamén por escrito no Libro de Honra do Concello de Baiona.

    “Podes contar co meu apoio e o do Goberno de España para continuar xerando riqueza e emprego nesta vila”, engadiu Reyes Maroto.

    Pola súa parte, o alcalde, Carlos Gómez Prado, agradeceu “a receptividade do Goberno de España ás demandas do Concello de Baiona”, co exemplo recente “do investimento de case sete millóns de euros nas zonas visitables do Parador e o alumeado exterior da muralla da fortaleza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.