21.2 C
Pontevedra
Venres, 30 de Xullo de 2021
Máis
    HomeVal MiñorBaionaA Deputación aproba novos investimentos para Baiona, Covelo e Salceda de Caselas

    A Deputación aproba novos investimentos para Baiona, Covelo e Salceda de Caselas

    As axudas ascenden a 580.000 euros para un total de 13 concellos

    O Plan Concellos, co que a Deputación de Pontevedra fomenta a cooperación, o equilibrio territorial e o respecto á autonomía local, achegará recursos a outros 13 concellos da provincia cos novos investimentos aprobados hoxe en Xunta de Goberno por importe de máis de 580.000 euros. En concreto beneficiarase destas achegas o concello de Cambados, para ao que o órgano provincial aprobou a liña 3 de emprego, e os de Baiona, Cerdedo-Cotobade, Covelo, Dozón, A Estrada, Fornelos de Montes, A Illa de Arousa, Lalín, Moaña, Poio, Salceda de Caselas e Soutomaior, que contarán con investimentos no marco da liña 2, destinada a amortizacións, gasto corrente e actividades.

    Máis polo miúdo, Cambados contará cunha subvención que supera os 200.000 euros a través da cal levará a cabo a contratación de 21 persoas traballadoras. Con esta achega, a Deputación de Pontevedra suma máis de 8,2 millóns de euros invertidos xa este ano na contratación de 778 persoas en 50 concellos da provincia.

    Ademais, a Xunta de Goberno aprobou a cuarta relación da liña 2, o que supón unha inversión de case 370.000 euros por parte do ente provincial. Con estas axudas Baiona financiará un programa de sensibilización en igualdade de oportunidades e  prevención da violencia machista e Cerdedo-Cotobade sufragará a ornamentación do Nadal. Pola súa parte, Covelo empregará estes recursos para dinamizar, amosar e impulsar as iniciativas do concello, realizar calendarios, actividades deportivas e rutas guiadas así como para a conservación e mantemento da rede municipal de roteiros.

    A Estrada levará a cabo a súa programación cultural “Estrada Escena”, Fornelos pagará gastos de facturación por tratamento de residuos e a Illa de Arousa fará o propio coa amortización de endebedamento con entidades financeiras. O concello de Lalín financiará programas culturais, a celebración do Día Internacional do Orgullo así como a promoción turística. Pola súa banda, Moaña levará a cabo o servizo de limpeza viaria, Poio fará o propio coa XXXIII Festa da Ameixa e a XX Festa do Mar, Salceda presentará servizo de atención e asesoramento psicolóxico e Soutomaior pagará facturas de recollida de lixo.

    Novos convenios para o Servizo de Administración Electrónica

    Doutra banda, o Goberno provincial tamén aprobou os convenios con outros doce concellos dentro do novo contrato para que poidan seguir prestando servizo de atención electrónica. Son os municipios de Soutomaior, Silleda, Mos, Gondomar, Tui, A Cañiza, Barro, Portas, Vilaboa, O Rosal, Rodeiro e Mondariz.

    Coa aprobación destes novos convenios, a Deputación leva xa aprobados no que vai de ano 42 acordos con entidades locais para a prestación deste servizo. Hai que lembrar que desde que no 2016 a institución provincial puxo en marcha este servizo, son 54 concellos, 6 entidades locais menores e 4 mancomunidades os que se teñen adherido.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS