A Casa do Concello de Baiona tínguese de verde para conmemorar o Día Mundial do Alzhéimer

A Casa do Concello de Baiona tinguiuse esta pasada noite de cor verde. Con esta iniciativa o Concello baionés sumábase a conmemoración do Día Mundial do Alzhéimer, efeméride instituida pola Organización Mundial da Saúde (OMS) e auspiciada por Alzhéimer Disease Internacional ( ADI) en 1994.

Con este xesto o Concello de Baiona Con busca dar visibilidade e apoio sobre a situación de ao redor de 3,5 millóns de enfermos e familiares que conviven con esta enfermidade en España.

Doutra banda, onte luns comezaban as actividades do obradoiro ‘Cultiva a Mente’, que se desenvolverá ata finais de xuño do próximo ano. A iniciativa posta en marcha dende a Concellería de Servizos Sociais xurdiu logo das diversas reunións entre o alcalde de Baiona, Carlos Gómez e a concelleira, Concepción Vara, coa Asociación de Familiares de Enfermos de Alzheimer e outras demencias dexenerativas ‘AFAGA’, en busca de dar prevención e asesoramento á demanda de veciñas e veciños, maiores de 55 anos.

Nesta primeira edición, que arrincaba no Multiúsos Anxo Bedriñana e que se realizará todos os luns ata o mes de xuño, conta coa participación de 13 veciñas e veciños do municipio, que dunha forma didáctica experimentarán novas aptitudes e experiencias para levar a cabo no seu día a día, exercitando a súa mente e fomentando a socialización.

Durante o estado de alamar o Concello de Baiona e AFAGA estableceron un seguimento das persoas que estaban a participar neste programa.