Un total de doce postos participarán, entre os días 17 e 19 de decembro, na Feira de Artesanía de Nadal de Redondela que quedará instalada na rúa Ribeira, na contorna da Alameda Castelao. A iniciativa, tal e como sinalou a alcaldesa de Redondela, Digna Rivas, busca “potenciar o traballo das nosas e os nosos artesáns, ofrecer alternativas para os agasallos de Nadal”.
A Feira estará aberta de 10:30 h a 13:30 horas e de 16:30 h a 20 horas e, amais dos postos de todo tipo de artesanía, contará cun posto da Asociación Lenda de Redondela que atente ás familias e persoas con enfermidades mentais e que porá á venda distintos artigos realizados polas persoas usuarias do servizo “poñendo en valor o seu traballo e reforzando a labor que asociación vén realizando a prol da súa integración.
A realización da Feira, subliña a alcaldesa de Redondela, “pon un punto máis de atracción as nosas rúas e contribúe a dinamización do comercio local e da hostalaría que foron sectores que sufriron, en primeira persoa, a crise derivada da pandemia da Covid-19”.
Cada son máis as persoas que optan por agasallar artesanía e, dende esa perspectiva, a Feira de Redondela “permite que artesás e artesáns poidan dispoñer dun escaparate no que amosar o seu traballo e demostrar porqué a marca Artesanía de Galicia é unha garantía de calidade e ten cada día máis aceptación”, conclúe Digna Rivas.
Unha ducia de profesionais participarán na Feira de Artesanía de Nadal de Redondela
A Asociación Lenda de Redondela tamén terá o seu posto de venda de artigos realizados artesanalmente polas persoas usuarias
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.