14.5 C
Pontevedra
Domingo, 19 de Setembro de 2021
Máis
    HomeComarcasRedondelaRedondela publica as bases para a concesión de axudas sociais específicas da...

    Redondela publica as bases para a concesión de axudas sociais específicas da COVID-19

    Estas axudas xorden como “ferramenta exclusiva” para dar resposta á crise orixinada pola pandemia da COVID-19

    O Concello de Redondela vén de anunciar a publicación das bases e convocatoria que rexerán a concesión de subvencións de Axudas Sociais COVID-19, unha iniciativa orientada a dar resposta á crise provocada pola expansión do coronavirus e a conseguinte paralización de sectores económicos que supoñen o cese da actividade laboral.

    Esta situación extraordinaria fixo precisa a articulación dunha serie de medidas urxentes “capaces de dar resposta ao impacto que esta crise produciu sobre moitos traballadores e traballadoras e persoas autónomas”.

    Así pois, aínda que o Concello conta cunha ordenanza de Emerxencia Social, esta nova axuda considérase como unha “ferramenta exclusiva” orientada a dar resposta a esta situación concreta. Esta liña de axudas sociais, polo tanto, constitúen “prestacións non periódicas de carácter económico a través das cales preténdese dar resposta a situacións extraordinarias de carencia e emerxencia que poidan derivar en situacións de risco de exclusión ou vulnerabilidade social tras a declaración do estado de alarma”.

    Esta axuda única de carácter económico está dirixida a persoas que carezan de medios económicos suficientes ante unha situación de desemprego ou perda do seu poder adquisitivo e que causara un forte impacto económico na renda familiar a consecuencia da situación actual sobrevinda pola declaración do estado de alarma por COVID-19.

    Dado que o que pretende o Goberno local, explica a alcaldesa Digna Rivas, é outorgar axudas urxentes “estas deberán tramitarse á maior brevidade posible e destinándose unicamente ao dar resposta a situacións extraordinarias de carencia e emerxencia”, sempre baixo a responsabilidade da persoa solicitante “e a supervisión do persoal técnico dos Servizos Sociais Comunitarios Básicos”, engade a alcaldesa.

    Para esta situación extraordinaria o Goberno local destinará, inicialmente, un orzamento de 100.000 euros”, sen prexuízo, engade Digna Rivas “que a evolución da situación faga necesario incrementar esta cantidade máxima sinalada previa habilitación orzamentaria”. Ao mesmo tempo, e dado o carácter extraordinario desta subvención, “será compatible con outras subvencións, axudas ingresos ou recursos para a mesma finalidade procedentes de calquera Administración ou ente público ou privado, nacional, da Unión Europea ou de organismos internacionais, salvo as subvencións concedidas polo Concello”.

    As bases especifican tamén que, “en ningún caso” o importe da subvención poderá ser de tal contía que, illadamente ou en concorrencia con subvencións ou axudas doutras Administracións Públicas ou doutros entes públicos ou privados, “supere o custo total dos gastos xustificados nesta convocatoria”.

    Persoas beneficiarias

    Para poder acceder a esta liña de axudas as persoas solicitantes deberán cumprir estes requisitos:

    1. Ser maior de 18 anos ou estar emancipado legalmente, ou, no seu defecto, ter iniciado o trámite legal de emancipación.
    2. Carecer de medios económicos suficientes ante unha situación de desemprego ou perda do seu poder adquisitivo a consecuencia da situación actual sobrevinda pola declaración do estado de alarma por COVID-19.

    Esta situación porase de manifesto cando nunha data posterior á declaración do estado de alarma (14 de marzo), a persoa solicitante finalizara a súa relación laboral, se lle aplicara un expediente de regulación de emprego temporal ou como traballador por conta propia cesara a súa actividade ou sufrira unha diminución da súa facturación.

    1. Estar empadroada/o no Concello de Redondela.
    2. Acreditar a situación de carencia en tempo e forma, colaborando coa administración para facilitar esa acreditación e segundo o requirido polo persoal técnico.
    3. Achegar a documentación requirida en cada caso

    As solicitudes deberán ser presentadas no Rexistro Xeral da Casa do Concello de xeito presencial ou ben por medios electrónicos. No caso de presentación presencial, as persoas interesadas poderán presentar a súa solicitude no modelo oficial, acompañada da documentación esixida e debidamente cuberta e asinada tendo en conta que, neste caso e mentres non se produza a finalización do proceso de desescalada, poderá ser precisa a cita previa.

    As persoas interesadas poderán presentar a súa solicitude por medios electrónicos a través da sede electrónica do Concello de Redondela, debendo proceder a súa sinatura a través dos mecanismos admitidos na sede electrónica á que se pode acceder dende esta ligazón.

    A alcaldesa de Redondela, Digna Rivas, salientou a consideración “extraordinaria” destas axudas que, afirma, “deben dar resposta rápida, urxente e áxil a unha situación moi complicada pola que están a pasar moitos dos nosos veciños e veciñas”. “A nosa obriga, como administración máis próxima á cidadanía, é habilitar os recursos e as ferramentas que contribúan a paliar os efectos desta crise”.

    Rivas concluíu asegurando que “todas e todos xuntos fixemos fronte a esta situación, e todos e todas xuntos sairemos dela sen que ninguén quede atrás”.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS