O Concello de Redondela quere poñer en valor os seus recursos naturais, culturais e patrimoniais e para iso ofrece unha Semana Santa con actividades e roteiros pensadas para todas as idades. A nova oficina de turismo situada na Rúa Queimaliños, lugar estratéxico por situarse en pleno camiño de Santiago, supón unha excelente mellora en en o servizo e atención aos turista, e sobre todo ao Peregrino.
Esta estará aberta a pratir do luns 3 de abril en horario continuado de 11:00 h a 19:00 horas para atender as dúbidas das persoas interesadas nestas actividades e calquera outra oferta turística do municipio. A alcaldesa de Redondela, Digna Rivas, agradece a Deputación de Pontevedra “os fondos necesarios para contratar o persoal técnico de turismo dende abril e durante toda a tempada estival”.
A oficina foi situada nunha das edificacións máis antigos que se conservan na Vila, datada de 1788 e que foi a primeira Casa do Concello, usada anteriormente como alfolí, lugar onde se almacenaba o sal cando Redondela era un dos primeiros portos mariñeiros de Galicia.
Actividades para Semana Santa
Dentro das actividades organizadas para a semana Santa, inclúense a actividade coñecida como “A Vila pola Tardiña” que se realizarán todos os días da semana para dar a coñecer o patrimonio e a historia de Redondela e para a que só será necesario inscribirse na oficina de Información Turística.
O Concello de Redondela quere continuar promovendo a memoria histórica da Illa de San Simón e San Antón e para iso organiza viaxes subvencionadas o xoves, venres, sábado e domingo, con saídas desde Cesantes, Meirande e Chapela e prezo reducido de 5 euros.
Tamén continúan os Roteiros de Turismo Mariñeiro dirixidas por Amarturmar, sobre o que Rivas expresa a súa satisfacciónn xa que “poder contar cunha asociación do nivel e calidade de Amaturmar é todo un luxo. Dámoslles a noraboa polo Distintivo SICTED 2022-2024 coa que acaba de ser galardoada”. Concretamente o xoves 6 de abril o concello contará co Roteiro do Choco ás 17:00 horas, o venres 7 co Roteiro do Marisqueo A Pé ás 10:30 horas e o sábado 8 co Roteiro do Porto ás 10:30 horas. Todas os roteiros mariñeiros terán un prezo de 3 euros e deberá facerse a correspondente reserva na oficina de Turismo de Redondela.
A alcaldesa, Digna Rivas, sinala que están contentos de anunciar que “unha das visitas guiadas do Sábado, chamada Arde o Mar, xa está completada e non quedan prazas. Sinal do éxito que teñen este tipo de iniciativas no municipio.
Por outra banda, o Museo Meirande, amplía ou seu horario habitual e abrirá as súas portas de luns a Domingo de 11:00 h a 14:00 e de 15:30 h a 19:00 horas. “Para poder ofrecer un bo servizo na tempada máis alta e que esperamos que supere en datos de visitas ao ano pasado. Cabe lembrar que Redondela converteuse nun referente como destino turístico nos últimos anos e pretendemos que siga crecendo”, conclúe Rivas.
