8.7 C
Pontevedra
Xoves, 28 de Marzo de 2024
Máis
    HomeComarcasRedondelaRedondela engalánase para celebrar a XXXV Festa do Choco

    Redondela engalánase para celebrar a XXXV Festa do Choco

    A empresa redondelá Eurored decorará os lugares máis emblemáticos do casco urbano e totalmente de balde, con redes, boias e demais elementos mariñeiros que amosan “o estreito vínculo de Redondela co mar”

    O Concello de Redondela procede, nestes días, ao embelecido do casco urbano de cara á celebración da trixésimo quinta Festa do Choco que terá lugar entre o 29 de abril e o 8 de maio e que, unha vez levantadas moitas das restricións sanitarias marcadas pola Covid, recupera a súa celebración popular e de rúa.

    “Queríamos que, neste ano que é especial porque marca a recuperación dunha certa normalidade, Redondela estiver adobiada como corresponde á celebración dunha das nosas festas máis emblemáticas”, afirma a alcaldesa Digna Rivas para quen o engalanado do pobo con redes e outros elementos mariñeiros “busca converter Redondela nun gran escenario que exprese o orgullo da nosa tradición mariñeira e o valor do mar e da Enseada de San Simón e do seu produto estrela, o choco, recoñecido internacionalmente.

    Digna Rivas destacou o traballo que, “neste cometido, está a desenvolver a empresa local Eurored” e agradeceu “aos seus propietarios e ao seu director a colaboración e axuda que nos adicaron dende o primeiro momento no que nos acercamos a expoñerlle a idea”. Eurored fornecerá e colocará, de balde para o concello, redes e demais apeos mariñeiros nas prazas da vila para que, esta Festa do Choco 2022, que recupera o seu sabor de celebración popular e de rúa “celébrese nun casco urbano especialmente engalanado para a ocasión”.

    A Festa do Choco manterá, no que atinxe ao seu aspecto gastronómico, o formato que resultou todo un éxito o pasado ano, cedendo o protagonismo aos locais de hostalaría do municipio que, durante o tempo que dure a festa, ofrecerán menús nos que o choco é protagonista indiscutible e nos que queda patente “o excelente nivel da nosa hostalaría que, partindo dunha materia prima de extraordinaria calidade, como é o choco da nosa Enseada de San Simón, son capaces de innovar e ofrecer pratos marabillosos”, apunta a alcaldesa de Redondela.

    O programa de actividades de rúa arrincará xa o venres pola tarde cos clowns e aéreos da Cia. Sempre Arriba á partir das 18 horas na Praza da Casa da Torre. De seguido música collerá o relevo con dos concertos, un primeiro a cargo de 33 RPM, na Praza da Constitución ás 19 horas, e posteriormente o que protagonicen Broken Peach ás 20:30 horas na Carpa da Alameda de Castelao.

    O sábado 30 de abril ás 12 horas e na Carpa da Alameda Castelao, chegará o primeiro dos Showcooking a cargo de Lucía Freitas, do restaurante A Tafona de Santiago, posuidor dunha Estrela Michelín.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.