7.6 C
Pontevedra
Venres, 29 de Marzo de 2024
Máis
    HomeComarcasRedondelaRedondela convértese en ciberexperta

    Redondela convértese en ciberexperta

    A Policía Nacional, a través da Delegación de Participación Cidadá da Comisaría Vigo-Redondela, fixo entrega á mocidade de Redondela dos diplomas e carné de ciberexperto.

    Trátase dun proxecto de capacitación para o alumnado de sexto de primaria e un complemento de distintas charlas de formación preventiva con respectos ás Tics. Este é un tema que a alcaldesa de Redondela, Digna Rivas, considera de “vital importancia”, debido a “a temperá exposición que teñen os nenos e nenas ás redes sociais, internet, dispositivos móbiles e demais ferramentas tecnolóxicas”. En moitos casos, explica a rexedora local, “esta exposición pode derivar en bullying, acoso ou unha mal práctica xeneralizada que condiciona e inflúe drásticamente na vida destes nenos e nenas. Polo que este programa é necesario e agradecemos a constante colaboración da Policía Nacional con Redondela”.

    En total, participaron 267 alumnos de sexto de Educación Primaria de todos os centros educativos de Redondela (CEIP Santa Mariña,CEIP Porto Cabeiro, CEIP Igrexa Chapela, CEIP. Plurilingüe Alexandre Bóveda, CEIP de Laredo, CEIP Plurilingüe de Quintela, CEIP de Cedeira, CEIP Plurilingüe de Reboreda, CEIP Outeiro dás Penas e o Centro plurilingüe Colexio Vigo). Aos que a rexedora tamén quixo agradecer “a súa colaboración e a súa habitual disposición con iniciativas deste calibre”.

    Esta iniciativa súmase a outras, como a colaboración estreita cos centros de día de Redondela, establecidas pola Policía Nacional a través da Comisaría Vigo-Redondela que “sempre teñen en conta Redondela para desenvolver actividades e programas para  a mellora da calidade de vida das persoas do noso municipio”, conclúe Rivas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.