18.4 C
Pontevedra
Luns, 3 de Outubro de 2022
Máis
    HomeComarcasRedondelaRedondela asegura que as obras da PO-250 que realiza a Xunta “non...

    Redondela asegura que as obras da PO-250 que realiza a Xunta “non resolven os problemas desta estrada” e non teñen en conta as peticións municipais

    A alcaldesa Digna Rivas lamenta que os responsables autonómicos incumpriran o acordo de manter unha reunión previa e “preferisen visitar as obras acompañados do exalcalde e concelleiros do PP”

    “As obras que se realizan na PO-250 Redondela-Pazos por parte da Xunta de Galicia non resolven os graves problemas que ten esa estrada e se perde a oportunidade de facer unha reforma de calado”, afirmou hoxe a alcaldesa Digna Rivas ao valorar uns traballos que comezaron hai unha semana sen que, tal e como se acordara no seu momento, houbera unha xuntanza previa para estudar as melloras propostas polo Goberno local.

    Para a alcaldesa redondelá, que os responsables da Xunta acudiran ao inicio das obras acompañados polo exalcalde e concelleiros do PP, sen tan sequera avisar ao Concello ou á Alcaldía de Redondela, supoñen “unha falta clara de lealdade institucional”. Rivas lembrou que o Concello sempre actuou co resto das administracións, “co máximo respecto e a maior lealdade dende o convencemento de que o benestar da veciñanza, está por encima de calquera consideración partidista”. Actitudes como esta, engadiu, “non son só unha falta de respecto á institución municipal, senón a toda a cidadanía a quen o Concello de Redondela representa”.

    O Goberno local teme que, co inicio destes traballos e sen que se teñan en conta as melloras que sobre ese treito incluído no casco urbano, propuña o Concello “se estea desaproveitando unha extraordinaria oportunidade para solucionar, definitivamente, os graves problemas de seguridade viaria que reviste esa estrada tanto para os e as viandante coma para os vehículos”.

    A pouca información que, sobre estes traballos, ten o Concello, “conseguiuse tras as insistentes chamadas da Alcaldía aos responsables de estradas da Xunta e, aínda así, posuímos agora información incompleta e en ningún lado consta que se vaia facer caso das recomendacións trasladadas polo Goberno local á Xunta”, matiza a rexedora local.

    No mes de maio do 2020, explica a concelleira de Urbanismo, María Castro, un informe técnico do Concello de Redondela remitido á Xunta de Galicia “detallaba algúns dos problemas desa estrada” facendo referencia, entre outros moitos, ao mal estado do firme o que supuña “un problema grave para unha estrada que rexistra un enorme volume de circulación de vehículos lixeiros e tráfico pesado”.

    Nun escrito posterior, a alcaldesa de Redondela insistía sobre a necesidade “urxente” de mellorar a seguridade viaria e daba conta da “perigosidade” que revestía esa vía para os peóns que, pese á antedita alta densidade de tráfico conta “con beirarrúas que, nalgúns treitos, apenas acadan os 90 cm”.

    Noutros escritos do mes de outubro e novembro, o Concello pedía a Xunta de Galicia actuacións concretas como a creación dunha zona segura de velocidade máxima de 20 km/h (como no resto do casco urbano) amais de “actuacións para o calmado de tráfico tan sinxelas como a instalación de pasos de peóns elevados, sinalización lumínica e mellora da sinalización tanto horizontal como vertical”. A estes problemas “xa de por si graves para a seguridade viaria da zona”, engadíase a existencia de un muro semiderrubado que supuña un perigo para a integridade das e dos viandantes.

    Se ben a reconstrución do antedito muro con perigo de derrubo, era unha das demandas do Goberno local redondelán, “traballos que deberían estar feitos hai meses por tratarse de obras imprescindibles para a seguridade viaria –aseguran María Castro e Digna Rivas– as obras deberían incluír as demandas do Concello sobre actuacións encamiñadas a mellorar a seguridade viaria, tanto de peóns como de condutores e condutoras”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS