10.2 C
Pontevedra
Venres, 29 de Marzo de 2024
Máis
    HomeComarcasRedondelaRedondela achega a historia dos 'maios' a través da exposición 'Os Maios,...

    Redondela achega a historia dos ‘maios’ a través da exposición ‘Os Maios, a festa da primavera’

    Ante a imposibilidade de poder celebrar a tradicional Festa dos Maios en Redondela debido ás limitacións e precaucións derivadas do Covid-19, a Concellaría de Cultura decidiu manter a conexión coa festa creando, este ano, unha Exposición ao aire libre na que as persoas podan experimentar unha viaxe fotográfica pola historia dos Maios en Redondela.

    “Decidiuse ubicar a exposición no paseo da Xunqueira para integrala nun entorno natural, rodeada de plantas e flores, que é a esencia desta festa”, explica o concelleiro de Cultura, Daniel Boullosa.

    Sacar a exposición á rúa era, “ademáis de máis seguro sanitariamente, unha maneira de achegar a historia, a cultura e as nosas tradicións ás persoas viandantes que, pasando pola zona ainda que sexa por casualidade, acabarán desfrutando dun bo momento cultural”, engade o concelleiro de Cultura que adianta que “é posible aproveitar a idea e continuar nun futuro con outras exposicións doutras temáticas”.

    Nesta exposición achégase a información sobre os maios: os tipos que existen –traidicionais ou figurados con forma de cruceiro, de canastros…–, os materiais dos maios, o concurso,… e todo a través dunha sucesión de imaxes que recollen fotografías antigas que a veciñanza cedeu ao Arquivo municipal. 

    Acompañando ao fiuncho está tamén a historia das Coplas, composicións de sátiras en versos que reflexan a crítica social e os acontecimentos do ano. Seguir a evolución das coplas, tal e coma apuntan Olimpio Giráldez e Lola Míguez nas súas publicacións, “é seguir a verdadeira historia do municipio”.

    Hai fotografías que datan dos primeiros concursos dos Maios (1956) e van percorrendo a historia desta festa, a historia da vila de Redondela, celebrando a chegada da primavera, ata o día de hoxe. A exposición no Paseo da Xunqueira manterase durante todo o mes de Maio. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.