7.7 C
Pontevedra
Martes, 31 de Xaneiro de 2023
Máis
    HomeComarcasRedondelaO Nadal chega a Redondela

    O Nadal chega a Redondela

    A Concellería de Cultura vén de anunciar as novidades da programación de Nadal. Que inclúe teatro infantil e adulto, monólogos, música, un circo e parques de atraccións. Entre as novidades destaca a Festa de Pre-fin de ano na que actuarán París de Noia  e Disco DC, coa sorpresa de celebrar un fin dedicado ao público infantil.

    A alcaldesa de Redondela quixo expresar a súa satisfacción pola variedade na programación, pero sobre todo por “incluír a tódalas parroquias na programación, para que a ledicia do nadal chegue a tódolos recunchos do municipio que son de igual importancia para o goberno”.

    Rematará o día 8 de xaneiro, xa no 2023, co ciclo de teatro infantil Ris Ras. O acendido das luces será o 10 de decembro na Rúa Alfonso XII e Praza do Concello e o 11 de decembro será o acendido en Chapela, na alameda Rosalía de Castro.

    Entre esas dúas datas, haberá actividades case que diarias e nas que se volve a apostar por iniciativas que foron postas en marcha polo Goberno local no momento da súa chegada ao Concello -como o vídeo-saúdo personalizado e as visitas a casa de Papá Noel o- e que foron acollidas cun éxito que mesmo superou as previsións máis optimistas.

    O Alumeado de Nadal na Praza do Concello non se cinguirá soamente ao acendido propiamente dito, senón que terá actividades paralelas como o pasarrúas a cargo de Pablo Méndez, perfomances e Latexo Percusión, a presenza da Coca Simona, o concerto de Fla-meco e moitas máis sorpresas. O Alumeado de Nadal na Alameda de Chapela que terá lugar un día depois contará coas mesas actividades adicionais.

    Os parques de atraccións infantís estarán instalados, durante todas as festas, na Alameda de Rosalía de Castro en Chapela e na  Pista da Xunqueira.  O parque de atraccións da Xunqueira contará cunha pista de xeo sintética, karts e unha pista deslizante entre outras sorpresas. A rexedora local engade que “este é un programa para todas as idades, equilibrado nos seus contidos, dirixido ao público familiar e cun claro protagonismo das nenas e nenos que son os que con máis intensidade e ilusión viven estas datas”.

    Teatro infantil, festival de Panxolilñas, proxeccións cinematográficas e do ciclo Mestre Mateo, monólogos e teatro para adultos (a única actividade dirixida unicamente ao público adulto de todo o programa), irán ocupando espazos ata chegar as actividades “estrela” do programa.

    Así, a partir do 12 de decembro, nenas e nenos poderán ver un vídeo-saúdo personalizado de Papá Noel en nadalenredondela.com. O 5 de xaneiro será o día no que os Reis Magos farán o seu tradicional percorrido polas rúas de Redondela para despois ofrecer unha recepción real na Casa do Concello. O percorrido en Chapela comezará no alto da encarnación.

    Precisamente este ano, o programa estreará outra actividade coa cativada como protagonista: a visita persoal de Papa Noel nas parroquias do 20 ao 23 de decembro de 16 horas a 20:30 horas. Pasará a saudar e felicitar o nadal nas 13 parroquias que compoñen o municipio, en puntos sinalizados ou centros socioculturais a disposición da veciñanza.

    Do 17 de decembro ata o 24 do mesmo mes, nenas e nenos poderán visitar a Casa de Papá Noel que, como en anos anteriores, quedará instalada na Alameda Castelao. Os horarios de visita, para evitar aglomeracións, serán de 17 h a 19:30 horas dende o 17 de decembro ao 23 de decembro. O día 24 de decembro o horario será de mañá, de 11 h a 14 horas. Papa Noel tamén fará de Chapela o seu fogar, situando a súa caseta de Rosalía de castro do 18 ao 24 de decembro no mesmo horario.

    Achegándonos xa ao fin de ano, o Concello de Redondela presenta a popular festa de Pre-Fin de ano que se celebrará o 30 de decembro no Campo da Feira con París de Noia e Móbil DC para festexar a entrada do ano novo bailando. Ademais inclúese unha iniciativa pioneira na que se dedicará espazo  a unha festa de Pre-Fin de Ano para os máis cativos e cativas na Praza da Constitución e na Alameda de Castelao, un día despois o 31 de decembro.

    Ademais, o Tren Turístico aumentará o seu roteiro de forma especial durante as festas. O 22, 23, 24, 26 e 27 de decembro; 2, 3, 4 de xaneiro o horario do tren turístico será de 17:00 a 20:00 horas e 24 de decembro de 11:00 a 13:00 con Saída da praza de Santiago apóstolo. En Chapela o 28, 29, 30 e 31 de decembro o horario será de 17:00 a 20:00 h e o 31 de decembro de 11:00 a 13:00 h con saída da alameda Rosalía de Castro.

    A alcaldesa quixo agradecer “o enorme esforzo realizado pola Concellería de Cultura e a súa concelleira, Iria Vilaboa”, ao conseguir artellar a un programa “capaz de agradar a público de todas as idades” e que, ao mesmo tempo, “dálle enorme protagonismo aos nenos e nenas que viven estas datas con especial intensidade”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS