12.1 C
Pontevedra
Luns, 30 de Xaneiro de 2023
Máis
    HomeComarcasRedondelaO Goberno redondelán iniciará os traballos de mellora e ensanche do camiño...

    O Goberno redondelán iniciará os traballos de mellora e ensanche do camiño Casal do Monte en Saxamonde

    O mércores 19 de agosto a alcaldesa e membros do equipo de Goberno manterán unha reunión coa veciñanza para dar a coñecer este proxecto e tratar outros temas de interese para a parroquia

    O Concello de Redondela iniciará, en videiras datas, as obras de mellora e ensanche do camiño Casal do Monte, na parroquia de Saxamonde, actuación subvencionada polo Plan Concellos da Deputación de Pontevedra e que foi adxudicada por importe de 103.608 euros. A actuación estenderase nun treito de aproximadamente 400 metros partindo do entronque co camiño da Vía Vella, e permitirá o ensanchado do camiño ata un ancho mínimo de plataforma de 5,5 metros que, posteriormente será asfaltado cunha capa de 6 centímetros.

    Dada a existencia de elementos de drenaxe como son cunetas e canos, as obras inclúen tamén á súa limpeza con medios mecánicos ou manuais, segundo as necesidades, e o revestimento da cuneta en formigón así como a limpeza dos canos que se atopan obstruídos e execución de novos canos en puntos estreitos da vía de xeito que se dea continuidade ao drenaxe lonxitudinal.

    A alcaldesa de Redondela, Digna Rivas, subliñou tamén o feito que no proxecto “de cara minorar a afección de parcelas privadas, executaranse muros de contención cunha altura máxima de 4 metros e situados a 4 metros do eixo da vía”.

    En canto as redes de abastecemento e saneamento, o proxecto sinala que se atopan “en bo estado e non se verán afectadas polas obras” o que no acontece coas redes aéreas nas que se prevé a afección dalgún poste o seu traslado por parte da compañía correspondente.

    Para dar conta desta actuación e doutras que afectan á parroquia, o Goberno local convocou unha reunión veciñal o vindeiro mércores, 19 de agosto ás 19 horas na ‘Escuelita’. Segundo adiantou Digna Rivas, amais de explicar o proxecto das obras do camiño Casal do Monte, “a reunión servirá tamén para poñer sobre a mesa outros temas de interese para a parroquia como a sinalización de cruces, reparacións de calzada, rozados, limpeza de cunetas, reparación de marquesinas das paradas de autobuses” e outras actuacións que foron solicitadas, vía rexistro do Concello, pola asociación de veciños ‘Fonte de San Román’ de Saxamonde.

    Esta reunión, apunta Digna Rivas, responde á intención “clara e rotunda” do Goberno local de que “veciñas e veciñas saiban, con detalle, as actuacións que se van desenvolver nas súas parroquias e que poidan ser partícipes das mesmas”.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS