10.6 C
Pontevedra
Luns, 10 de Maio de 2021
Máis
    HomeComarcasRedondelaO Goberno de Redondela amosa a súa "indignación" polo intento do PP...

    O Goberno de Redondela amosa a súa “indignación” polo intento do PP de querer politizar a xestión de Servizos Sociais en plena pandemia

    O Goberno de Redondela amosou hoxe a súa “absoluta indignación” polas declaracións realizadas polo PP sobre o funcionamento do Servizo de Axuda ao Fogar (SAF), manifestacións que, entende o Goberno, “non só amosan un claro descoñecemento sobre os esforzos que están a realizar os Servizos Sociais do Concello nesta situación de pandemia, senón que ignoran a situación de crise sanitaria na procura dunha máis que dubidosa rendibilidade política”.

    O curioso, di o executivo local, é que unha vez máis “no seu afán e na súa teima de atacar ao goberno como sexa e polo que sexa, pon en entredito a labor das traballadoras dos Servizos Sociais que, nesta situación extraordinaria, están a desenvolver un traballo cunha profesionalidade, dedicación e sacrificio que va máis aló do que sería esixible”.

    As críticas, apunta a Concellería de Servizos Sociais que xestiona a alcaldesa Digna Rivas, “debería o PP facerllas aos seus compañeiros de partido da Xunta que Galicia que vén de anunciar que, este servizo de SAF extraordinario, finalizará o vindeiro 30 de novembro e que, dende este pasado 1 de outubro, “non se poderán prestar máis horas das efectivamente prestadas ata o 30 de setembro”.

    No caso do Concello de Redondela, previa valoración profesional do persoal técnico, prestaranse nesa modalidade unha estimación de 2.023,63 horas o que supón un gasto de ao redor de 29.000 euros, necesario para non deixar de atender ás persoas que máis o precisan”. “Non estaría de máis que os populares, aos que polo que parece tanto lles preocupa a situación, lle preguntaras aos seus compañeiros da Administración Autonómica por que, ata o de agora, o Concello de Redondela non recibiu financiamento algún da Xunta por este concepto”.

    E dicir “a Xunta de Galicia procede ao peche dos centros de atención a persoas dependentes adoptando unha suposta medida “conciliadora” por medio dun paquete de axudas económicas insuficientes e coa posta en marcha dunha modalidade de SAF Extraordinario” o que supón que unha vez máis “deléganse responsabilidades nas administracións locais no relativo á xestión dun servizo fundamental, coas enormes dificultades e incertezas da súa xestión en tempos dunha pandemia sen precedentes e sen facilitar un protocolo de actuación frente á COVID-19”. Novamente a Xunta recorre, como xa fixo outras veces nesta pandemia a un “eu invito e os concellos pagan”.

    O Partido Popular de Redondela, “recorre unha vez máis a falsidade intencionada”, afirma o goberno local, “cando asegura que a xestión dos servizos foi mala ou insuficiente por non facer uso da totalidade das horas” cando o certo, “e ben coñecido polo PP, é que a motivación de non terse outorgado un maior número de servizos, foi única e exclusivamente técnica logo das valoracións realizadas tanto na asignación das horas do SAF coma na xestión do programa Xantar na Casa”.

    Lamentablemente e unha vez máis, conclúe o Goberno de Redondela, “o PP recorre á falsidade e a terxiversación nesa dinámica, xa demostrada en máis dunha ocasión, que en política todo vale, aínda que sexa utilizar unha situación de extrema gravidade como a pandemia, na procura dunha máis que dubidosa rendibilidade política”.

    “Para nós, non todo vale. As necesidades das veciñas e veciños están por encima de calquera outra consideración como así o temos demostrado en máis dunha ocasión, afrontando gastos que corresponderían a administración autonómica”, remata o executivo de Redondela.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS