7.6 C
Pontevedra
Venres, 29 de Marzo de 2024
Máis
    HomeComarcasBaixo MiñoO GALP Ría de Vigo-A Guarda destinou case 600.000 euros a proxectos...

    O GALP Ría de Vigo-A Guarda destinou case 600.000 euros a proxectos da súa zona no último ano

    A convocatoria de axudas permanece aberta ata o próximo 1 de marzo

    O pasado ano, marcado pola irrupción da pandemia da Covid-19 e a crise económica que a acompañou – e que aínda se deixa sentir-, o Grupo de Acción Local do Sector Pesqueiro (GALP) da Ría de Vigo – A Guarda continuou a traballar no fomento do tecido socioeconómico dos municipios da súa área de influencia (Cangas, Moaña, Vilaboa, Soutomaior, Redondela, Vigo, Nigrán, Baiona, Oia, O Rosal e A Guarda).

    Durante o 2020, esta entidade, encargada de xestionar as subvencións da Consellería do Mar e do Fondo Europeo Marítimo e da Pesca (FEMP), inxectou 585.643 euros en axudas públicas a once proxectos, seis produtivos e cinco non produtivos, chegando a financiar máis do 80% do investimento total nalgúns casos.

    Entre os proxectos produtivos están os desenvolvidos por H.Q. Seaweed, S.L. ou por Frigoríficos de Vigo, S.A. que introducen novos procesos na produción, comercialización e distribución dos seus produtos, algas mariñas no primeiro caso e polbo, especialmente, no segundo. En relación á actividade turística vinculada ao mar, hai iniciativas como a de Glamping do Mar S.L. que aposta pola innovación dos servizos de aloxamento turístico co “cámping de glamour”, a creación dun albergue mariñeiro que promocione as actividades e produtos ligados ao sector pesqueiro, o deseño de rutas de pescaturismo a bordo dun barco pesqueiro no ámbito do Parque Nacional Marítimo -Terrestre das Illas Atlánticas ou o desenvolvemento de roteiros turísticos en bicicleta pola costa.

    Entre os proxectos non produtivos está a iniciativa ‘Os mares de baixura: unha web para formar e informar’ da Asociación Mar Seguro de Galicia cuxo obxectivo é darlle visibilidade ás oportunidades que ofrece o sector pesqueiro ás novas xeracións. A dinamización da Enseada de Cesantes para a práctica do kitesurf ou aposta da Asociación San Xerome Emiliani pola formación e capacitación en proxectos de economía circular vinculados ao sector pesqueiro da comarca do Baixo Miño son outros dos exemplos. Así tamén, relacionado co coidado do medio, sitúase o plan de recuperación do litoral do Concello de Nigrán consistente nunha batería de accións de mellora patrimonial e ambiental, e o proxecto da Confraría de Pescadores Pedra da Oliveira de Vilaboa para modernizar o sistema de retirada de algas co fin de recuperar as poboacións de especies mariñas.

    Para as persoas interesadas en desenvolver proxectos vinculados ao mar, a convocatoria de axudas permanecerá aberta ata o vindeiro 1 de marzo. Para máis información sobre os trámites a realizar poden poñerse en contacto co GALP Ría de Vigo – A Guarda nos teléfonos 986 35 81 09, 646 87 31 06 ou enviando un correo electrónico a galp.mar.riadevigoaguarda@xunta.gal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.