7.6 C
Pontevedra
Venres, 29 de Marzo de 2024
Máis
    HomeComarcasRedondelaO Concello de Redondela pide á Xunta que aclare a súa postura...

    O Concello de Redondela pide á Xunta que aclare a súa postura respecto á apertura dos furanchos

    O Goberno local subliña que na orde do 14 de abril, na que se establecen normas para o Plan de Hostalaría Segura, non se establece ningunha medida en relación aos furanchos

    A alcaldesa de Redondela, Digna Rivas, vén de requirir á Vicepresidencia da Xunta de Galicia, información sobre as normas de seguridade sanitaria que deben regular a apertura dos furanchos, toda vez que, tal e como subliña a alcaldesa no seu escrito, a Orde do 14 de abril de 2021 pola que se establecen as accións necesarias para a posta en marcha do Plan de hostalaría segura da Comunidade Autónoma de Galicia “non se establece ningunha medida en relación aos furanchos”.

    O certo é que os titulares dos furanchos existentes en Redondela, debidamente rexistrados e autorizados, están a realizar numerosas consultas ante o Concello sobre as condicións hixiénico-sanitarias que deben manter “sen que ata o de agora este Concello poida dar resposta ningunha ante o silencio da Xunta de Galicia que é a administración que ten competencias nesta materia”.

    En todo caso a alcaldesa redondelá lembra que á hostalaría “un dos sectores máis duramente golpeados pola pandemia”, aplícanselle unha serie de restricións e estritas medidas de seguridade sanitaria de obrigatorio cumprimento, como é o caso da instalación de medidores de CO2. En caso de que a Xunta non regule medidas igual de estritas para a apertura dos furanchos “podería supoñer unha competencia desleal que carecería de toda lóxica, ademais dun claro risco sanitario”.

    “Unha vez máis a Xunta de Galicia ponse de perfil”, afirma Digna Rivas. “Cando cando xorden temas problemáticos, desaparece deixando que sexan os concellos os que teñan que enfrontarse a problemas para os que carecen de competencias, como é o caso dos furanchos”.

    A alcaldesa de Redondela considera que é preciso “extremar as medidas de hixiene” para este tipo de actividade e é, precisamente polas súas características especiais, polas que consulta á Xunta “se teñen formulado ou van formular algunha instrución relativa á apertura dos furanchos así como as condicións que se deberán esixir para o cumprimento das medidas hixiénico-sanitarias no caso de permitir a súa reapertura”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.